BURELA .- O venres día 22 presentase o II Encontros da Banda Deseñada na Mariña na biblioteca do IES Perdouro de Burela. A Inauguración das xornadas con Carlos Portela será de 12:00 a 14:00 cos alumnos de 1º de Bacharelato.
Nota de Prensa
SEGUNDOS ENCONTROS DE BANDA DESEÑADA NA MARIÑA CONCURSO DE CREACIÓN
BASES
A Biblioteca do IES Perdouro de Burela convoca o CONCURSO DE BANDA DESEÑADA
dentro dos SEGUNDOS ENCONTROS DE BANDA DESEÑADA NA MARIÑA. O seu
desenvolvemento rexerase polas seguintes bases:
1. Poderán participar neste concurso todas as persoas interesadas, existindo as seguintes
categorías:
? Libre ou aberta. Poderán participar autores de BD non profesionais e que non
publicaran nunca obra nin en álbums nin en revistas.
? Categoría escolar para alumnos de 15 ata 18 anos.
? Categoría escolar para alumnos ata 14 anos.
2. Cada obra so poderá presentarse nunha das categorías.
3. O tema será libre, con textos en galego. Cada autor/a poderá presentar as obras que considere
oportunas, non premiadas noutros concursos.
4. Os traballos terán que ser orixinais, cunha extensión máxima de catro páxinas, a cores ou en
branco e negro. A técnica é libre. Os traballos presentaranse con dimensións DIN A-4.
5. A autoría poderá ser individual ou de dúas persoas: debuxante e guionista. O estilo, tratamento
e xénero serán libres. O contido das obras non poderá atentar contra a integridade das persoas.
6. Os traballos presentaranse baixo plica: en sobre pechado figurará na parte exterior o título ou
lema e a categoría en que participa; no interior indicarase:
? Título da obra.
? Nome e apelidos do/a concursante (imprescindible).
? Fotocopia do D. N. I ou equivalente.
? Centro educativo (no caso das categorías escolares).
? Domicilio e teléfonos de contacto.
7. Os traballos enviaranse a:
IES Perdouro – Concurso BD
Rúa do instituto s/n
27880 Burela (Lugo)
8. O prazo da presentación dos traballos remata o 14 de abril de 2010.
9. Os premios serán os seguintes:
? Categoría Libre ou Aberta:
1º Premio: viaxe a Barcelona para dúas persoas durante a fin de semana do Salón do
cómic (de 7 a 9 maio). Inclúe viaxe en avión (saída Santiago de Compostela), aloxamento do venres e
sábado e entradas para o Salón.
2º Premio: Tableta dixitalizadora.
? Categorías escolares:
1º Premio: Colección de bandas deseñadas e material de pintura.
2º Premio: Colección de bandas deseñadas e material de pintura.
? Publicación das obras seleccionadas polo xurado nas diferentes categorías.
10. O xurado poderá declarar os premios desertos.
11. Os traballos premiados pasarán a ser propiedade do IES Perdouro. O resto dos traballos
poderán ser recollidos no Centro nun prazo non superior a un mes. Despois desa data, pasarán a ser
propiedade do IES Perdouro.
12. A participación no concurso implica a aceptación destas bases. Os casos non previstos serán
resoltos segundo o criterio da organización.
IES Perdouro
Rúa do instituto s/n
27880 Burela (Lugo)
Teléfono: 982 575098
ies.perdouro@edu.xunta.es
bandadesexada@gmail.com
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
