NOTA DE PRENSA
A Mariña perdeu en 10 anos o 68% das súas explotacións gandeiras
Pérez Bouza denuncia que en 20 anos aumentou nun 900% as
marxes de inermediación na pataca
O BNG esixe ao Goberno que siga o exemplo doutros estados da Unión
e fixe un prezo mínimo para o leite
O Bloque Nacionalista Galego mantivo na xornada de hoxe unha xuntanza coa Cooperativa dos Irmandiños e coa Cooperativa Labregos de Lugo, na que participou o senador do BNG Xosé Manuel Pérez Bouza, onde analizaron a situación crítica que atravesa o complexo agrogandeiro, nomeadamente o sector lácteo e o da horta.Pérez Bouza denunciou as prácticas oligopolistas aos que se ve sometido o noso complexo agrogandeiro, “o que está a provocar unha crise sen precedentes no mesmo, como consecuencia dunha diminución das marxes de explotación, da que é ben sintomático o caso da pataca que está nun nivel de prezos de fai 20 anos, tendo aumentado no mesmo período o seu prezo ao consumidor case nun 900%”.
Neste sentido o senador nacionalista afirmou que a instancias do BNG aprobouse a creación dunha comisión no senado para estudar as marxes de intermediación e na perspectiva de adoptar iniciativas lexislativas que fagan recaer sobre o consumidor final o custo da actividade. Pérez Bouza indicou que “a Comisión vai comezar a traballar en febreiro e é intención do BNG que pola mesma pasen produtores e organizacións profesionais de Galiza, neste sentido aproveito a miña presenza na Mariña para convidar a estas dúas cooperativas a participar da mesma”.
“Os prezos do leite e da pataca son a día de hoxe insostíbeis para o produtor, de feito son moitos os que están perdendo diñeiro na súa actividade. O Goberno do Estado e a Xunta de Galiza non poden mirar para outro lado nesta cuestión, porque para nos son sectores estratéxicos. É hora de que Zapatero e Feijoo gobernen e deixen de votar balóns fora” afirmou Pérez Bouza quen esixiu “ un plano conxunto do goberno do Estado e da Xunta, negociado con Bruxelas que está a estudar unha reforma da PAC, que garanta a permanencia da actividade económica no campo galego”. Nesta liña criticou que o Goberno do Estado está a incumprir o acordo parlamentar de 17 de Abril de 2009 onde se comprometía entre outros aspectos a aprobar unha normativa para controlar as importacións a baixo custo ou a adoptar as reformas lexislativas que permitan garantir un prezo mínimo ao leite tal como acontece noutros Estados da Unión.
O portavoz Comarcal do BNG destacou que o leite de vaca representa un 42,3% da produción agraria da Mariña, un sector agrario que se caracteriza pola súa marcada especialización gandeira, a produción gandeira achega o 62 % do valor da produción da rama agraria a pesar de que nos últimos dez anos o número de explotacións reduciuse na Mariña nun 68% en canto a cota media se multiplicaba por máis de catro. Antonio Veiga denunciou que “a actual crise do sector lácteo é pola súa natureza a máis aguda de todas cantas ten vivido Galiza desde a súa integración na Unión Europeu, poñendo mesmamente en risco a propria existencia das case 1200 explotación existentes na Mariña e por conseguinte a columna vertebral de todo o noso territorio interior, o que obriga aos poderes públicos a intervir con decisión pola magnitude da situación”.
Veiga criticou “a falta de compromiso dos Gobernos do Estado e da Xunta a hora de poñer solucións riba da mesa, a súa política xestual que pretende agochar con propaganda a falta de xestión, a indiferencia diante a crise que choca co apoio a outros sectores económicos como a banca e o seu nulo interese por cumprir mesmamente o aprobado en sé parlamentar”. “Neste sentido resulta unha autentica tomadura de pelo as axudas anunciadas pola Xunta de Galiza que afecta á area financeira como adianto no pago das axudas da PAC ou a liña comprometida co IGAPE, por tratarse no primeiro caso dun adianto que xa viñan arbitrando de motu proprio as entidades bancarias, e no segundo por non ser verificábeis ao obrigar ao gandeiro a comprometer garantías coa banca de máis do 60%” recalcou Veiga.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
