NOTA DE PRENSA
Para a deputada popular Emma Álvarez Chao a finalidade será constituír explotacións forestais economicamente viables e sostibles ambiental e socialmente
O PARLAMENTO APROBA, A INICIATIVA DO PPDEG, CREAR UNHA FIGURA AGRUPATIVA DE PROPIETARIOS FORESTAIS NO PRIMEIRO CUADRIMESTRE DO PRESENTE ANO
* Tamén se aprobou analizar a operatividade administrativa, xurídica e técnica da figura da Unidade de Xestión Forestal, co fin de detectar as eivas deste modelo de ordenación do monte
* A Proposición non de Lei tamén recolle que, a pesar de non haber ningunha UXFOR solicitada segundo a normativa específica, facilitar a aquelas iniciativas comezadas a súa reorientación, en caso de que as correccións indicadas o fagan necesario
* Defende priorizar as ordes de axuda existentes en materia de prevención de incendios forestais e de xestión forestal, de xeito que poidan beneficiarse as agrupacións e as asociacións forestais ou as UXFOR debidamente constituídas
Santiago de Compostela, 24 de febreiro de 2010.- O Parlamento aprobou hoxe unha iniciativa do PPdG na que insta á Xunta de Galicia a crear, no primeiro cuadrimestre de 2010, unha figura agrupativa de propietarios forestais co fin de constituír explotacións forestais economicamente viables e sostibles ambiental e socialmente. Na Proposición non de Lei tamén inclúe facer unha labor informativa para divulgar e fomentar a creación destas novas agrupacións entre os propietarios forestais ou asociacións de propietarios.
A deputada do PPdeG Emma Álvarez Chao defendeu a necesidade de fórmulas que permitan a agrupación da propiedade forestal que permitan facer unha xestión conxunta do monte con plans razoables e sostibles. “Se ben somos partidarios destas agrupacións somos da opinión de que as UXFOR, tal e como están decretadas a día de hoxe, non son as figuras máis axeitadas, motivos como o carácter intervencionista ou a natureza administrativa da figura cunha excesiva ambigüidade legal en cuestións procedimentais, móstrannos que non dan as garantías xurídicas necesarias” indicou a deputada popular.
Tamén defendeu na súa iniciativa que a Xunta analice a operatividade administrativa, xurídica e técnica da figura da Unidade de Xestión Forestal co fin de detectar as eivas deste modelo de ordenación do monte. Así mesmo se pediu adecuar, en caso necesario, a normativa de aplicación, de xeito que poida ser corrixida, permitindo dotar de eficacia a esta figura, de acordo cos obxectivos establecidos na Lei 3/2007, de 9 de abril, de prevención e defensa contra os incendios forestais de Galicia.
Na iniciativa do Grupo Popular se aprobou que, a pesar de non haber ningunha UXFOR solicitada de acordo co establecido na súa normativa específica a día de hoxe, facilitar a aquelas iniciativas comezadas a súa orientación, en caso de que as correccións indicadas o fagan necesario. Tamén se demandou priorizar as ordes de axuda existentes en materia de prevención de incendios forestais e de xestión forestal, de xeito que poidan beneficiarse as agrupacións e as asociacións forestais ou as UXFOR debidamente constituídas.
A deputada popular Emma Álvarez indicou que a superficie do monte en Galicia, que ocupa sobre dous millóns de hectáreas das que o 2/3 son de propiedade privada, fai necesaria unha xestión conxunta con fórmulas de agrupación da propiedade forestal para facer plans rendibles. “O desenvolvemento rural da nosa Comunidade pasa ineludiblemente polo compromiso cunha xestión que valorice o noso potencial forestal dende o punto de vista socioeconómico e ambiental e necesitamos modelos que nos permitan sacar o noso monte do atranco no que se atopa, modelos sólidos e viables que nos permitan avanzar de forma coherente para que nun futuro non haxa volta atrás” segundo indicou a deputada popular.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
