LUGO.- 32 entidades terán representación o domingo na proba que organiza a Delegación Territorial de Lugo, a través do servizo de Deportes, en colaboración coa delegación da Federación Galega de Atletismo e participarán máis de 400 escolares
Nota de Prensa
MÁIS DE 400 ESCOLARES DISPUTAN O DOMINGO AS FINAIS PROVINCIAIS DAS PROBAS DE CAMPO A TRAVÉS PROMOVIDAS POLA XUNTA
* As competicións reúnen a nenos de entre 7 e 15 anos e desenvolveranse a partir das 11.00 horas no circuíto habilitado no entorno do Pazo de Feiras e Congresos de Lugo
* Un total de 32 entidades terán representación na proba que organiza a Delegación Territorial de Lugo, a través do servizo de Deportes, en colaboración coa delegación da Federación Galega de Atletismo
Lugo, 5 de febreiro de 2010.- Máis de 400 nenos e nenas de Lugo participarán o próximo domingo nas finais provinciais da competición de campo a través que promove a Xunta de Galicia a través do programa Xogade.
As carreiras, organizadas pola Delegación Territorial de Lugo a través do Servizo de Deportes e en colaboración da delegación da Federación Galega de Atletismo, disputaranse a partir das 11.00 horas no circuíto habilitado no entorno do Pazo de Feiras e Congresos, no que se prepararán dous trazados para o desenvolvemento das probas.
A esta competición lograron o pase trala celebración das distintas fases zonais dende o mes de decembro rapaces de idades comprendidas entre os 7 e os 15 anos (nados entre os anos 1994-2002) pertencentes a 32 entidades (colexios, clubs e escolas municipais).
O cadro das probas por categorías e distancia é o seguinte:
+ (11.00 horas) Benxamín F 600 metros
+ (11.05 horas) Benxamín M 600 metros
+ (11.15 horas) Alevín F 1.150 metros
+ (11.30 horas) Alevín M 1.550 metros
+ (11.45 horas) Infantil F 1.550 metros
+ (12.00 horas) Infantil M 1.900 metros
+ (12.15 horas) Cadete F 2.300 metros
+ (12.30 horas) Cadete M 3.800 metros
As probas son valedoiras para o campionato autonómico que se celebrará o próximo día 27 deste mes na localidade coruñesa da Pobra do Caramiñal, para a que lograrán praza os dous mellores equipos en cada categoría e os oito primeiros clasificados en cada carreira.
Na lista de participantes do próximo domingo destacan as delegacións que desprazan os clubs Lucus de Lugo e San Roque de Viveiro, as Escolas Municipais de Castro de Rei e o colexio A Gándara de Monforte.
Xornadas de loita olímpica
O próximo domingo, o Pavillón Municipal de Vilalba acollerá a primeira das xornadas de loita olímpica que organiza a Xunta de Galicia dentro do programa Xogade. Na actividade tomarán parte preto de 120 nenos de categorías benxamín e alevín, entre os que estarán os membros do club de loita de Vilalba. O inicio das probas está previsto para as 11.00 horas para dar conclusión arredor das 14.00 horas.
En total, 12 entidades de distintos puntos da comunidade contarán con representación nesta primeira das dúas probas preparatorias para o Galego desta especialidade deportiva en idade escolar.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
