NOTA DE PRENSA:
O BNG de Xove denunica graves deterioros no pavillón de deportes
O Bloque Nacionalista Galego presentou unha pregunta por escrito perante o pleno da corporación municipal tras recibir diferentes queixas de clubes, asociacións deportivas e particulares debido ao lamentábel estado do pavillón polideportivo. Esta situación podería ter consecuencias prexudiciais, xa que incluso é perigoso para a integridade física dos deportistas.
As causas dos estragos semellan deberse á entrada no pavillón de vehículos pesados, ás partículas en suspensión que se desprenden dos materiais do insonorizado do polideportivo e mais ao deterioro da cuberta da pista; todo isto relacionado coas festas con orquestra que se veñen desenvolvendo no edificio.
O responsábel da formación nacionalista na localidade apoiou a festa como un excelente xeito de divertirse e lembrou que existen outros locais no Concello aptos para os bailes, como o propio Salón de Actos. Un lugar este, dixo Marco López, onde ademais “ninguén pasaría frío”. Aínda que tamén advertiu que, por suposto, para poder tocar nese local o persoal técnico da orquestra tería que carretar os equipos de son e os instrumentos “como se fixo toda a vida”.
Marco López sinalou a orixe deste grave problema na “avaricia” do equipo de goberno actual ao querer converter un espazo para a práctica do deporte nun “multiusos”. Tamén quixo lembrar que nos dous últimos anos lévase gastado moito diñeiro en preparar un pavillón que agora “está peor que antes”.
López tamén indicou que os arranxos do pavillón deberíanse realizar pola empresa privada que explota e saca rendemento económico deste negocio nun edificio público (arrendado en tan só 60 € por día, segundo un decreto da alcaldía) e non cos cartos de todos os veciños de Xove.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
