NOTA DE PRENSA
A tormentosa asemblea protagonizada en Viveiro polas antigas forzas do bipartito demostra que o único interese destas formacións e ocultar a súa responsabilidade política no atraso desta infraestrutura
O PP DA MARIÑA SUBLIÑA QUE PSOE E BNG A POUCO MÁIS CHEGAN ÁS MANS BOTÁNDOSE A CULPA OS UNS AOS OUTROS POLA PARALIZACIÓN DO CORREDOR
* Os populares amosan a súa sorpresa porque “chamen á mobilización os mesmos que desde a responsabilidade de Goberno foron incapaces de construír un só metro desta estrada na nosa provincia durante os catro últimos anos”
* O PP mantén a súa esixencia de explicacións a PSOE e BNG por non executar o orzamento comprometido para esta obra e destinar só 10.000 euros ao treito estatal da VAP
A Mariña, 15 de febreiro de 2009.- O Partido Popular da Mariña valora a tormentosa asemblea desenvolvida no día de onte en Viveiro polas antigas forzas do bipartito e no transcurso da cal PSOE e BNG “a pouco máis chegan ás mans” tras botarse a culpa uns aos outros pola paralización da Vía da Altas Prestacións entre Ferrol e San Ciprián durante a pasada lexislatura. O que cualifican como un “bochornoso espectáculo de liortas e reproches” demostra, en opinión dos populares, que socialistas e nacionalistas o único que pretenden e ocultar a súa responsabilidade política no atraso desta infraestrutura vital para A Mariña.
Desde o Partido Popular comarcal amosan tamén a súa sorpresa porque agora chamen á mobilización “os mesmos que desde a responsabilidade de Goberno foron incapaces de construír un só metro desta estrada na nosa provincia durante os catro últimos anos” e subliñan a este respecto que perderon que PSOE e BNG perderon toda capacidade e credibilidade para dar lección do seu compromiso coa Mariña e coa creación de novas infraestruturas de comunicación como é o corredor.
Os populares da nosa comarca manteñen a esixencia de explicacións a PSOE e BNG para que tamén nas súas asembleas e ante a opinión pública expliquen as razóns que os levaron desde o Goberno bipartito a por exemplo non consignar nin un só euro para a construción do treito coñecido como a “variante de Viveiro” desde o 2006 ou a deixar sen executar as partidas que para a VAP reflectían cada ano as contas autonómicas. Nin os 541.634 euros previstos no 2006, nin os 2,5 millóns de euros previstos no 2007, nin os 712.908 euros do 2008 nin, finalmente, os 6,8 millóns de euros que previron investir no 2009.
O Partido Popular de Galicia insiste que o novo Goberno galego ademais de facer unha análise e valoración da situación real na que se atopa a tramitación administraba do corredor estableceu un cronograma realista para a súa execución. Lembran en todo caso que o horizonte temporal para a finalización das obras é sempre unha data máxima e, polo tanto, que dentro das súas posibilidades a Xunta axilizará a creación do corredor “Porque o PPdeG, a diferenza do bipartito si cree na necesidade e utilidade do corredor, e será quen por primeira vez na historia constrúa esta estrada despois de demasiados anos de promesas incumpridas”
Finalmente os populares amosan a súa perplexidade pola actitude de nacionalistas e socialistas que, malia que á Xunta pídenlle que impulse o treito autonómico desta vía, acaban apoiando as contas estatais que tan só prevén 10.000 euros para o treito desta vía entre San Ciprián e Barreiros que é de competencia estatal.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
