O pasado sábado lin na Voz de Galicia que o Parlamento paga mais de 1000 euros ao mes a deputados por viaxes que non fan.
Tamén di que hai deputados autonómicos afincados en Santiago a quen, á parte do seu soldo, páganlles un plus de quilometraxe, de máis de 1.000 euros mensuais, coma se vivisen nas montañas do Courel. Tamén os hai que comparten coche e cobran o desprazamento por separado ou, ata, algún que non ten carné e percibe o extra como o que conduce a diario.
Respecto a esta noticia quero facer os seguintes comentarios:
* Non me sorprende que haxa deputados que cobren gastos que non lles corresponden. O Parlamento é un reflexo da sociedade na que vivimos. Unha sociedade na que podemos encontrar persoas que defraudan a facenda pública e a seguridade social, que manexan cartos negros, que traballan sen contratos ou estando no paro, e moitas mais irregularidades.
* O que me estraña e que o propio Parlamento de Galicia non abra unha investigación, depure as responsabilidades a que haxa lugar, e tramite as correspondentes denuncias aos deputados que cometesen irregularidades, mesmo pedindo a súa destitución. O Parlamento de Galicia non pode esquecer que manexa cartos públicos, cartos de todos os Galegos, e que as persoas que cobran cartos que non lles corresponde están delinquindo.
* Tamén me sorprende que está noticia pase practicamente desapercibida, entre as demais do periódico, sen producir unha reacción airada dos cidadáns. Penso que unha noticia así non pode quedar como unha simple nota aparecida un día nun periódico, sen que se produza ningunha outra consecuencia.
Eu penso que non poderemos dicir que disfrutamos dunha autentica democracia hasta que aquelas persoas que enganan e defraudan o erario público paguen as súas consecuencias. Por moi importantes que sexan, ou o sexan os cargos que ocupan.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
