Nota de Prensa
A INICIATIVA DO BNG, O CONGRESO DEMÁNDALLE A FOMENTO QUE MELLORE CON CARÁCTER DE URXENCIA A ESTRADA N-640 AO SEU PASO POLA PROVINCIA DE LUGO
A iniciativa aprobada insta ao Goberno a eliminar o punto negro de Couto de A, en Castro de Rei, e a construír carrís para vehículos lentos
Madrid, 24 marzo 2010.- A Comisión de Fomento do Congreso dos Deputados aprobou esta tarde por unanimidade unha iniciativa promovida polo BNG pola que se lle demanda ao Ministerio de Fomento que mellore, con carácter de urxencia, a estrada N-640 ao seu paso pola provincia de Lugo.
En concreto, a proposición non de lei finalmente aprobada hoxe, ao aceitar o BNG emendas dos outros grupos, insta ao Goberno a “acometer con carácter de urxencia as obras necesarias para mellorar a estrada N-640 ao seu paso pola provincia de Lugo, tanto no referente ao estado do firme como á súa sinalización”.
Ademais, demándaselle a Fomento a “realizar os estudos pertinentes de reforma do trazado en Couto de A, Castro de Rei, e de construción de carrís para vehículos lentos en distintos puntos da vía”.
“Fixéronse melloras, pero insuficientes”
Na defensa da iniciativa, o deputado do BNG, Francisco Jorquera, lembrou que a estrada N-640 Lugo-Meira-Ribadeo “é, aínda hoxe, unha das principais vías de comunicación da cidade de Lugo coa Mariña, sobre todo co concello de Ribadeo e coa costa do Occidente de Asturias”.
Neste sentido, Francisco Jorquera denunciou que “o trazado en xeral non tivo ningunha reforma importante dende hai vinte anos, con numerosos baches, falta de carrís de adiantamento, especialmente no
caso do tramo Lugo-Meira, e a pesar do elevado volume de tráfico, o que dificulta claramente o día a día dos habitantes dos concellos de Lugo, Castro de Rei, A Pastoriza, Pol, Meira, Riotorto, A Pontenova, Trabada e Ribadeo”.
A este respeito, o deputado do BNG advertiu de que “mesmo os bacheos que se fixeron en outono están totalmente desfeitos, tanto pola mala calidade da intervención realizada como pola elevada choiva caída este inverno”.
Supresión do punto negro de Castro de Rei
Ademais, o deputado do BNG defendeu a necesidade de suprimir o punto negro das curvas de Couto de A, en Castro de Rei, mediante un cambio de trazado.
Francisco Jorquera advertiu de que “até o momento só se puxeron parches á N-640 ao seu paso pola provincia de Lugo”.
Por iso, defendeu a necesidade de “abordar globalmente o estado desta infraestrutura, apostando por unha corrección do trazado nas zonas de maior perigosidade -especialmente no tramo entre Meira e Ribadeo- mediante a rectificación das curvas; ampliar os arcéns e crear carrís para vehículos lentos nos tramos que non existen”.
Por último, demandou que no tocante ao pavimento, “e dada a elevada pluviosidade da provincia, débense utilizar materiais que eviten que a auga se acumule sobre a plataforma”.
A iniciativa promovida polo BNG foi aprobada cos votos a favor de todos os grupos políticos.
PROPUESTA DE TRANSACCIÓN A LA PNL DEL GP MIXTO-BNG,
Relativa a la N-640.
LA COMISIÓN DE FOMENTO DEL CONGRESO DE LOS DIPUTADOS INSTA AL GOBIERNO A:
1º.- Acometer con carácter de urgencia las obras necesarias para mejorar la Carretera N-640 a su paso por la provincia de Lugo, tanto en lo referente al estado del firme como a su señalización.
2º.- Realizar los estudios pertinentes de reforma del trazado en Couto de A, Castro de Rei, y de construcción de carriles para vehículos lentos en distintos puntos de la vía.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
