LUGO .- ADEGA insta á Fiscalía Anti-corrupción a que investigue o caso de Barreiros e asegura que a conivencia da Xunta co afán especulador do Concello de Barreiros, para agasallar con 14 millóns de € de fondos públicos a proxectos ilegais, é un escandaloso atentado contra a xustiza social.
NOTA DE PRENSA
A XUNTA CONVÉRTESE EN CÓMPLICE DA ESPECULACIÓN URBANÍSTICA EN BARREIROS
A conivencia da Xunta co afán especulador do Concello de Barreiros para agasallar con 14 millóns de € de fondos públicos a proxectos ilegais é un escandaloso atentado contra a xustiza social
ADEGA insta á Fiscalía Anti-corrupción a que investigue o caso de Barreiros e anima á cidadanía a crear un Pacto Social polo Territorio para un desenvolvemento territorial coherente, sustentábel e cohesionador.
Lugo, 26 de marzo de 2010. ADEGA considera escandaloso que a Xunta de Galiza veña de anunciar a retirada dos contenciosos administrativos contra as ilegalidades urbanísticas do Concello de Barreiros, das que boa parte corresponden a proxectos situados en solo rústico de protección de costas. Preténdese a “legalización” destes proxectos urbanísticos á conta dos cartos de toda a sociedade galega, a través dun Convenio entre a Consellaría, Augas de Galiza, e a Deputación provincial de Lugo para investir máis de 14 milllóns de € de fondos públicos na dotación de infraestruturas das urbanizacións ilegais.
ADEGA cualifica de estafa e atentado contra a xustiza social esta forma de actuar das administracións, coa que se xustifica a aportación de fondos públicos para a especulación, se alenta o delito urbanístico e se beizoa a prepotencia dunha alcaldía carente de respecto polos valores do litoral e renuente ás advertencias da D.X. de Urbanismo ou da propia secretaría municipal.
En todo caso, agardamos que sexa a sensibilidade da administración da Xustiza a que poña os medios e esforzos necesarios na investigación e persecución dos presuntos delictos de prevaricación e posible corrupción. A este respecto, consideramos que existen suficientes irregularidades para que o caso de Barreiros sexa obxecto de investigación por parte da Fiscalía Anti-corrupción.
Antecedentes do caso
Que a expansión urbanística no Concello de Barreiros constitúe unha incalificábel aberración (amais dun atentado aos valores paisaxísticos do litoral), hai tempo que xa foi sinalado pola empresa subministradora de enerxía eléctrica, a cal advertía nunha comunicación ao concello (anos 2005 e 2006) de que as infraestruturas eléctricas da zona non tiñan capacidade para atender a demanda eléctrica derivada de tal expansión urbanística.
Cunhas Normas Subsidiarias do ano 1994, o primeiro atentado e a primeira ilegalidade urbanística aconteceu coa aprobación da chamada urbanización de San Bartolo, na mesma beiramar, incumprindo a Lei 22/1998 de Costas e o seu Regulamento, que prohíbe explicitamente “as edificacións destinadas a residencia ou habitación” na zona de protección de costas (100 m desde a liña litoral), e ordena deixar totalmente expedita a zona de tránsito (6 m) e a zona de ocupación (20 m).
Apesar da aprobación da Lei do Solo 9/2002, as ilegalidades non cesan e acadan o carácter de escandalosas, sobre todo a partir da destitución do Sr. Cuíña da COTOP e a súa substitución polo Sr. Núñez Feijóo. A finais de 2005, o concello de Barreiros acolle máis de 3.000 vivendas construídas, a pesar de contar cunha poboación de apenas 3.500 habitantes. Durante o ano 2006, máis de 6.500 vivendas de nova construción foron visadas polo Colexio de Arquitectos no municipio, todas elas sobre solo rústico, e sen subministro de auga, electricidade, saneamento e accesos axeitados.
Dende ADEGA denunciamos daquela algunhas destas urbanizacións por situarse en solo rústico de protección de costas ou pola súa proximidade ao LIC das Catedrais ou ao LIC da Ría de Foz. Durante o goberno bipartito, a Consellería de Política Territorial non tardaría en recordarlle ao Concello de Barreiros que, pasados os 3 anos para a adaptación dos planeamentos municipais á Lei 9/2002, as disposicións desta Lei ían ser de total aplicación e, consecuentemente, só poderían ter a consideración de solo urbano os solares dotados de vías perimetrais, accesos, auga potábel, saneamento e subministro eléctrico. Apesar desta advertencia da Dirección Xeral de Urbanismo, o Concello continúa coa concesión de licenzas durante todo o 2006, demostrando ademais un absoluto desprezo polos valores protexidos do litoral, polo dereito dos potenciais compradores a unha vivenda digna, e polos informes desfavorábeis da Secretaría Municipal.
En febreiro de 2007, a Xunta de Galiza, através do Decreto 15/2007 suspende a vixencia do planeamento urbanístico de Barreiros e no mes de maio, coa publicación da Lei 6/2007, de medidas urxentes en materia de ordenación do territorio e do litoral, suspende toda actuación e transformación urbanística en terreos situados a menos de 500 m do borde do litoral. Porén, o concello de Barreiros continúa coa tramitación de licenzas e autorizando intervencións en zonas prohibidas até acadar 3.000 novas licenzas, tal como recolle a denuncia da Fiscalía ante o Xulgado de Mondoñedo.
Pacto social polo territorio?
O trato de favor que a Xunta lle dá ao concello de Barreiros, sumado as disposicións doutras recentes normas como a Lei Eólica (coa aprobación do parque eólico do Iribio en Rede Natura), a reforma da Lei do Solo, as intencións declardas do Sr. Hernández con Touriñán, supoñen para ADEGA moi malos precedentes cara á elaboración do Plano de Ordenamento do Litoral e o desenvolvemento doutros Planos Sectoriais (acuicultura, minaría, hidroeléctrico, etc.). Fálase dun “pacto polo territorio” mentres a Xunta, pola vía da imposición e dos feitos consumados, vai limitando as posibilidades reais de acadalo.
No entanto, reiteramos a necesidade e a total disposición deiposición de ADEGA a acadar un pacto ou compromiso social polo territorio que, dende a transparencia e a participación social, sente as bases para elaborarmos unhas Directrices de Ordeamento do Territorio, previas a calquera outro Plano Sectorial, sobre as que asentar un desenvolvemento coherente, sustentábel e cohesionador.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
