Nota de Prensa
Jose Tome Roca, defendeu unha PNL na Comisión 5ª do Parlamento
APROBADA UNHA INCIATIVA SOCIALISTA PARA REPOÑER O SERVICIO DE AUTOPSIAS NOS HOSPITAIS DE MONFORTE E BURELA
-O deputado socialista Jose Tome Roca amosou a súa satisfacion pola aprobación desta iniciativa “hoxe faise xustiza con Monforte e cos monfortinos”, asegurou o deputado
Santiago , 18 de marzo de 2010. O deputado do Grupo Parlamentario do PSdeG-PSOE Jose Tome Roca, defendeu hoxe unha Proposición Non de Lei na Comisión 5ª do Parlamento para reclamar que se repoña o servizo de Autopsias nos hospitais de Burela e Monforte. A iniciativa foi aprobada por unanimidade.
Segundo relara na iniciativa o pasado mes de maio de 2009, un mes despois de chegar ao Goberno da Xunta de Galicia o Partido Popular, deixaron de facer as autopsias nos hospitais comarcais de Monforte de Lemos e Burela, centralizándoas en Lugo, o que supón unha burla aos cidadáns destas comarcas, por facer o contrario do que dicía hai uns meses, cando promovía unha proposición non de lei no Parlamento de Galicia e mocións nos concellos, para que as autopsias se fixeran nos hospitais comarcais.
Dixo que o Partido Popular centralizou as autopsias en Lugo, co conseguinte prexuízo para as familias polo atraso que supoñen as viaxes na entrega dos defuntos, e tamén para as funerarias polos trastornos que iso produce.
Tome Roca amosou a súa satisfacion pola aprobación desta iniciativa “hoxe faise xustiza con Monforte e cos monfortinos”, asegurou o deputado.
TEXTO APROBADO POR UNANIMIDADE NA COMISIÓN 5ª
Parlamento galego insta ao Goberno da Xunta a:
1. Reconsiderar a decisión de centralizar a realización de todas as autopsias do sur e do norte da provincia na cidade de Lugo, para que estas probas se volvan a realizar nos hospitais comarcais de Burela e de Monforte.
2. A garantir a reorganización do sistema, de xeito que todas as autopsias da Costa Lucense e da Comarca de Lemos, volvan a efectuarse nas salas de necropsias dos hospitais de Burela e de Monforte.
3. Desenvolver as xestións precisas para o restablecemento da práctica da dilixencia xudicial de autopsia nos hospitais de Burela e Monforte, nun prazo máximo de dous meses, tal e como avanzou o director xeral de Xustiza, na súa comparecencia na comisión 5ª da Cámara galega o pasado 5 de marzo de 2010.
4. Axilizar o proceso de selección de persoal ao abeiro da bolsa de traballo impulsada pola resolución da Dirección Xeral de Xustiza do 17 de febreiro de 2010 para a cobertura interina dos postos vacantes de médicos forenses do Instituto de Medicina Legal de Galicia, nomeadamente na subdirección territorial deste organismo e Lugo, dotándoa de 3 prazas, máis outras 4 de cota de reserva.
5. Promover un novo concurso do servizo de traslado de cadáveres, no que se contemple divididas por lotes as distintas zonas territoriais coincidentes coa área de influencia dos hospitais de Lugo, Monforte e da Costa –Burela-, de tal xeito que a devandita distribución poida ser efectiva ao remate do vixente contrato.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
