NOTA DE PRENSA
O Diario Oficial de Galicia publica no día de hoxe a licitación por procedemento de urxencia das obras de reforma da cuberta, da rampla de acceso e de ampliación da unidade de farmacia e arquivo deste centro
BALSEIRO VALORA MOI POSITIVAMENTE O INVESTIMENTO DE MÁIS DE 615.000 EUROS EN OBRAS PARA O HOSPITAL DA COSTA
* Esta actuación amosa a vontade do Goberno de Feijóo por potenciar o hospital de Burela, na liña do discurso que sempre mantivo o PP, e deixa en evidencia a socialistas e nacionalistas que mediante falsidades e manipulacións intentan desacreditalo.
* Estas obras contemplan un investimento maior, en tan só un ano de Goberno, que o executado polo bipartito no conxunto da pasada lexislatura –conclúe Balseiro.
Santiago, 15 de marzo de 2010.- O deputado popular Jose Manuel Balseiro Orol vén de manifestar a súa satisfacción e valorar moi positivamente a achega dun investimento superior aos 615.000 euros –máis de 100 millóns das antigas pesetas- en obras para o Hospital da Costa de Burela. No día de hoxe o Diario Oficial de Galicia fai pública a licitación por procedemento de urxencia das obras de reforma da cuberta, da rampla de acceso e de ampliación da unidade de farmacia e arquivo deste centro. A resolución da Xunta establece un prazo de execución de 6 meses para desenvolver estes traballos.
Balseiro subliña que o devandito investimento demostra a vontade do novo Goberno que preside Alberto Núñez Feijóo por potenciar este centro hospitalario e vén a reforzar o discurso que sempre mantivo o Partido Popular, “na liña de apostar polo Hospital da Costa, pola súa plena autonomía, pola súa mellora, polo incremento dos seus servizos”. Xunto a isto o parlamentario do PPdeG insiste en que esta decisión deixa en evidencia a aqueles –en referencia a PSOE e BNG- “que tanto descrédito lle quixeron facer ao Hospital da Costa, que tanto se cansaron de contar mentiras e manipulacións e incluso chegaron a afirmar que se convertería nun simple ambulatorio ou que pecharía para trasladarse ata a cidade de Lugo”.
Finalmente cómpre subliñar que o devandito investimento, que chega a piques de cumprirse o primeiro ano de Goberno dos populares na Xunta, é moi superior ao executado nos anteriores catro anos por PSOE e BNG. “Vexe claramente quen está a potenciar o hospital e mellorar o sistema público de saúde da nosa comarca a través dun impulso claro e positivo, e quen estaba por marxinalo na pasada lexislatura”-conclúe Balseiro Orol.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
