BURELA (FNC) .- A Xunta de Galicia ven de rexeitar a solicitude de axuda presentada polo Concello para levar adiante un proxecto para a separación de pluviais e residuais no contorno da rúa Curros Enríquez. Unha obra que suporía un investimento de 600.000 euros. O alcalde, Alfredo Llano, lamenta esta falla de apoio.
O rexedor lembrou que “o proxecto foi presentado no 2008 e consideramos que era moi importante para o noso concello, dado que contribuiría a mellorar o aspecto medio ambiental porque se forzaría moitísimo menos á EDAR”. Llano explica que “o que nos din é que asumamos nós o proxecto e alegan que a situación económica na que nos atopamos non é a mellor, pero tampouco é a mellor como todo o mundo sabe para os Concellos. Non sabemos ata cando teremos que pospoñer este proxecto porque o seu financiamento senon o realiza quen ten que realizalo que é a Consellería de Medio Ambiente nós non podemos afrontar este tipo de presuposto. Tentarei incoporar este asunto ás novas conversas e proxectos que lle expuxemos á Xunta para ver si máis adiante sería posible contar coa súa colaboración”.
Plan de Ordenación de Litoral
O alcalde de Burela manterá mañá un encontro ás 11:30 horas cos técnicos de OTEA co fin de preparar a xuntanza sobre o POL prevista para o venres en Santiago co director xeral de Sostibilidade e Paisaxe.
Alfredo Llano explicou que “trataremos de coordinarnos entre os nosos técnicos e os de OTEA, a empresa redactora do noso plan xeral, para definir a estratexia que manteremos o venres ás 12 da mañá en Santiago, onde analizaremos o POL e as incidencias que terá para Burela. Queremos integrar o máximo posible ese plan da Xunta no noso PXOM. Agora mesmo o POL limita bastante as posibilidades de expansión e crecemento de Burela e o que imos alegar é que se adapte o máximo posible ao plan xeral para que sexa o máis beneficioso para Burela e para os seus veciños”.
Pleno
O rexedor de Burela comentou algún dos asuntos que se abordarán no pleno ordinario previsto para mañá. Unha sesión na que se aprobará, se procede, dar nome ao tramo novo de rúa que enlaza de forma transversal as rúas do Mariñeiro e Monte Castelo. Ese treito duns 200 metros que “é unha prolongación de Monte Castelo recibirá o nome desta rúa por unha cuestión de funcionalidade, ainda que había outras alternativas enriba da mesa”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
