LUGO .- Técnicos da Deputación, Xunta e Concello de Lugo participaron este mércores nunha mesa de traballo na que se abordou a posible prestación de servizos do parque da cidade á área de Lugo e buscar as fórmulas xurídicas que permitan a comarcalización, de xeito que se garanta a cobertura en materia de extinción de incendios a esa zona da provincia. O Deputado da Rede Viaria Provincial e representante no Consorcio Provincial de Bombeiros, Juan José Díaz Valiño, lembrou que “hai dúas semanas celebrouse o Pleno no que se falaba de tratar de chegar a un acordo cos Concellos que xa teñen parques, é dicir, os de Monforte de Lemos e de Lugo, de forma que non quede ningunha zona escura na provincia ante calquera imprevisto que obriguen ós bombeiros a desprazarse a calquera dos municipios que forman a provincia”.
Neste senso, Valiño apuntou que “neste marco de colaboración tivemos unha xuntanza en Monforte hai uns días no que vimos a absoluta disposición por parte deste municipio a integrarse no Consorcio, e se fixo unha análise dos medios materiais e humanos do seu parque. A intención de hoxe é que o municipio lugués colabore neste Consorcio para dar un paso adiante e a provincia estea totalmente atendida na prevención de incendios”.
O Concelleiro de Protección da Comunidade e representante do Concello nesta xuntanza, José Rábade, amosou a disponibilidade en participar por parte do municipio da capital ó tempo que explicou as 3 vías a seguir: estudar a viabilidade xurídica da colaboración, é dicir se esta se fai a través de convenio ou de integración no Consorcio; tipo de ordenanzas a modificar; e elaboración dun informe técnico das necesidades de persoal e material que tería a mariores o parque da capital. Neste senso, apuntou que “se o informe e a vía xurídica son asequibles entraríase a negociar cos integrantes dos parques de bombeiros para estudar a posible implicación”.
O Concelleiro destacou, ademais, que os traballadores son municipais, polo que a súa disponiblidade ten que ser condición indispensable na negociación. O que se trata é de que o parque de Lugo cubra parte das necesidades do Consorcio na área de Lugo, que está formada polos 7 Concellos limítrofes: Corgo, Friol, Pol, Outeiro de Rei, Castro de Rei, Castroverde, Guntín e Rábade. Nesta prestación tamén se inclúe o municipio de Rábade.
Na xuntanza tamén se fixou unha nova reunión para mediados deste mes na que se dará conta do informe que elaborarán os técnicos do Concello de Lugo e se definirán novos pasos a seguir na posta en marcha dos parques. A este respecto o Deputado provincial lembrou que “en 2010 abriranse as instalacións de Barreiros, Chantada, e Sarria. Asimesmo, en maio rematarán as actuacións no parque de Vilalba e, a finais de ano, as de Viveiro, para que ambos os dous estén en funcionamento en 2011.
Ademais do Deputado provincial e do Concelleiro da Protección da Comunidade, na mesa de traballo tamén participaron o Subdirector Xeral de Emerxencias da Xunta de Galicia, José Antonio Fernández, o Secretario Xeral do Consorcio, José Antonio Mourelle, e o Secretario e a Xefa de Persoal do Concello de Lugo, Luis Regal e Marta López.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
