CERVO .- O conselleiro de Medio Ambiente virá a Cervo a entregar 14 vivendas construídas en Río Cobo pola Xunta de Galicia. Explican desde o Concello de Cervo que o proceso para a construción das vivendas iniciouse o 18 de novembro do 2004, e seis meses despois, o 20 de maio de 2005, publicaronse no Diario Oficial de Galicia as bases do concurso, que contaban cun prazo de execución de 20 meses.
Nota de Prensa
Os 14 chalés adosados foron adxudicados o pasado mes de xullo
AGUSTÍN HERNÁNDEZ ASISTIRÁ O LUNS Á ENTREGA DAS VIVENDAS SOCIAIS DE RÍO COBO
* Con este acto rematan os trámites iniciados polo Goberno autonómico de Fraga o 20 de maio do 2005, data de licitación das obras
* O grupo de Goberno de Cervo lémbralle ao BNG local que os atrasos sufridos neste proceso débense “única e exclusivamente” á inoperancia dos nacionalistas á fronte da Consellería de Vivenda no Goberno bipartito
Cervo, 20 de marzo de 2010.- O grupo de Goberno local do Concello de Cervo confirmou que o vindeiro luns, 22 de marzo, o conselleiro de Medio Ambiente, Territorio e Infraestruturas, Agustín Hernández, estará presente en Cervo para presidir o acto oficial de entrega das 14 vivendas unifamiliares construídas en Río Cobo pola Xunta de Galicia a través do Instituto Galego da Vivenda e Solo (IGVS).
Neste senso os membros do equipo de Goberno local quixeron saír ao paso das criticas do voceiro nacionalista na corporación, Xoán Estua, nas que aseguraba que ditas obras foran executadas pola anterior Consellería de Vivenda e Solo e nas que acusaba aos populares de dilatar o seu proceso de adxudicación.
Segundo os responsables municipais, as criticas do BNG non fan máis que poñer de manifesto “a continua estadía na demagoxia e no engano” desta formación política. Lembraron que o proceso para a construción destas vivendas sociais de promoción pública iniciouse o 18 de novembro do 2004, cando o Instituto da Vivenda e Solo presentou o proxecto que orixinariamente ía dirixido a menores de 35 anos.
Posteriormente, o 20 de maio de 2005, o Diario Oficial de Galicia recollía as bases do concurso de licitación destas obras, que contaban cun prazo de execución de 20 meses. “Eles o que fixeron foi limitarse a executar un traballo que deixou listo e orzamentado o anterior Goberno do Partido Popular, e a pesares disto non foron capaces de ter rematadas as vivendas en xaneiro do 2007 cando deberían, nin foron capaces de arranxar tódolos trámites administrativos necesarios para entregalas aos seus adxudicatarios durante os catro anos nos que estiveron con responsabilidade na Xunta” recalcaron os componentes do Goberno local.
“Sentimos moito que lle pareza mal ao voceiro do BNG o acto do luns, pero temos que lembrarlle que nin o conselleiro Hernández, nin o Grupo de Goberno local temos culpa da inoperancia e da ineptitude amosada polos compañeiros do seu partido en todo este asunto. Por moito que lle pese, o señor Estua ten que admitir que tivo que ser un Goberno do PP quen arranxara tódolos atrancos administrativos e desbloqueara unha situación que nin el nin os seus compañeiros de partido foron capaces de solucionar en catro anos” afirmaron.
Os concelleiros do Goberno local de Cervo tamén lle recomendaron a Estua “máis tranquilidade” nas súas reivindicacións de novas vivendas de promoción pública no termino municipal e lembraronlle que nos anos de Goberno bipartito os nacionalistas non proxectaran ningunha vivenda. “Pode ter a seguridade que tanto o Goberno municipal coma a Xunta de Galicia imos a traballar para facer posible que Cervo poda dispoñer de máis vivendas de promoción pública, cousa moi necesaria e que desgraciadamente se esqueceu de reivindicar nos catro anos que estiveron os seus compañeiros de partido á fronte da Consellería de Vivenda” recalcaron os integrantes do Goberno local dirixíndose ao voceiro nacionalista local.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
