LUGO .- O consello reitor do Instituto de Desenvolvemento Económico e Social (INLUDES) aprobou o terceiro Plan Estratéxico de Subvencións de 2010, dotado con 700.000 euros, e co que a Deputación promociona o emprego na provincia potenciando os sectores estratéxicos: agricultura, gandería e pesca.
Nota de Prensa
O INLUDES destina 700.000 euros para subvencións no sector agro-gandeiro, pesca e tecido industrial
– O Consello Reitor aprobou hoxe o Plan Estratéxico de Subvencións para este ano
– Lara Méndez subliña que “potenciamos de xeito directo a modernización das explotacións e cooperativas, asegurando o seu relevo xeracional, e de xeito indirecto, atallamos un dos problemas que acusa a provincia: o despoboamento”
– 19 Concellos beneficiaranse das axudas destinadas á promoción e exaltación de produtos autóctonos e de actividades municipais
O Consello Reitor do Instituto de Desenvolvemento Económico e Social (INLUDES) aprobou este luns o terceiro Plan Estratéxico de Subvencións de 2010, dotado con 700.000 euros, e co que a Deputación promociona o emprego na provincia potenciando os sectores estratéxicos: agricultura, gandeiría e pesca. A Vicepresidenta Segunda da Deputación, Lara Méndez, e responsable do INLUDES subliñou que “este Plan permitiranos seguir afondando na cooperación cos Concellos, a través do financiamento de actividades municipais e coa dotación de máis servizos que freen o despoboamento nos concellos máis castigados”.
Lara Méndez explicou que o Plan ten tres liñas de actuación. A primeira, cun importe de máis de 500.000 euros, está destinada a potenciar os sectores da gandeiría, agricultura e da pesca. “Na Deputación temos un pacto polo campo, malia que esta non é unha competencia directa nosa senón que é a Xunta de Galicia a que ten a obriga política de impulsar este sectores. Os Centros de Recría de gando frisón e de rubia galega son un exemplo deste compromiso ó igual que as axudas que aprobamos hoxe dentro desta liña de actuación”.
Dentro desta liña de actuación contémplanse axudas para a promoción e exaltación de produtos autóctonos como o berberecho de Foz, a empanada das Nogais, a castaña do Courel ou a merluza de Celeiro. Ademais dos Concellos mencionados, o INLUDES subvencionará actividades nos Concellos de Castro de Rei, Sarria, Guitiriz, Samos, Cervantes, Negueira de Muñiz, Lugo, Pol, Ribas de Sil, Barreiros, O Vicedo, Cospeito, Paradela, Ribadeo, Cervo e Burela.
“Nós non estamos para competir cos nosos gandeiros ou cos nosos pescadores, senón para facelos máis competitivos. A través deste Plan subvencionamos de xeito directo a modernización de explotacións, das cooperativas, aseguramos o relevo xeracional no campo ou na pesca, axudándolles a ser máis profesionais. Pero tamén colaboramos de xeito indirecto xa que, se potenciamos a economía e a pesca, conseguiremos atallar un dos problemas que acusa a provincia: o despoboamento”.
Promoción do emprego e da I+D+i
A segunda liña de actuación, dotada con preto de 120.000 euros, está destinada á xeración de emprego estable e ó aumento da produtividade das empresas, a través da formación dos empresarios e traballadores. O obxectivo é impulsar o tecido empresarial da provincia e de favorecer a creación de novas empresas e de plans experimentais en materia de I+D+I.
A Vicepresidenta Segunda lembrou que dende o INLUDES está en marcha o Pacto Provincial polo Emprego –proxecto co-financiado ó 70% por fondos Feder e dotado con 3,4 millóns de euros-, un ambicioso programa de formación nos campos laborais onde realmente hai futuro, dirixido a persoas en paro. Rematouse un amplo diagnóstico da situación laboral e do emprego na provincia, que permitiu detectar as profesións con futuro na provincia: área social e sociosanitaria, hostalería e turismo, industria manufactureira e área forestal e medioambiental. Nas próximas semanas o INLUDES presentará un amplo programa formativo para ter profesionais onde realmente son necesarios.
A última liña de actuación do Plan Estratéxico de Subvencións refírese ó sector da comunicación. Máis de 30.000 euros que o INLUDES destina a institucións sen ánimo de lucro, coa finalidade de fomentar o desenvolvemento de actividades socioculturais e medioambientais.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
