NOTA DE PRENSA:
O Grupo Popular tamén felicitou á Consellería do Mar por recuperar as patrullas de vixilancia conxuntas entre Gardacostas de Galicia e Policía Autonómica, desmanteladas polo anterior Goberno bipartito, e salientou que se teñen amosado como “moi eficaces” na loita contra o furtivismo
BALSEIRO XULGA DE “IRRESPONSABLE” QUE O BNG PRETENDA SUPLANTAR A OPINIÓN MAIORITARIA DO SECTOR, QUE SE AMOSOU FAVORABLE Á ACTUAL REGULAMENTACIÓN
SOBRE CAPTURAS DO POLBO
* O voceiro do Mar salientou tamén como “moi positivas” as melloras introducidas polo departamento autonómico que dirixe Rosa Quintana ao respecto do seguro do mal tempo: mantén a forza do vento como criterio para que poidan recibirse indemnizacións”, adecuou o orzamento destinado a este seguro ao gasto real, o que implica que non se detraen recursos para outras prioridades, e hoxe a Xunta asume o 75% do total da prima.
Santiago, 4 de marzo de 2010.- No seo da Comisión de Pesca e Marisqueo celebrada no día de hoxe na Cámara galega o voceiro do Mar do Grupo Parlamentario Popular, Jose Manuel Balseiro Orol, xulgou como “irresponsable” que o BNG presentara unha iniciativa pola que pretendía modificar a actual regulamentación sobre capturas do polbo incluída no Plan de Xestión Marisqueira. O parlamentario popular acusou aos nacionalistas de “pretender suplantar” a opinión maioritaria do sector, e subliñou que a normativa actual, aprobada pola Consellería do Mar, foi froito do debate e da participación dos propios interesados, e resultado de múltiples xuntanzas nas que participaron os traballadores que desenvolven a súa actividade na captura deste cefalópodo. Balseiro explicou que, de feito, organizacións da importancia da Federación Galega de Confrarías de Pescadores ou da Federación Provincial de Confrarías de Pontevedra xa se amosaron favorables a actual regulamentación, ao horario establecido na mesma e aos topes de capturas, polo que o BNG non estaría a defender o interese xeral, manifestado pola maioría dos pósitos galegos.
Outros asuntos tamén foron obxecto de análise na Comisión de Pesca do Parlamento. Así o Grupo Popular preguntou polas modificacións operadas no seguro de mal tempo e sobre os sistemas dispostos pola Xunta na loita contra o furtivismo. A este respecto o voceiro do Mar, quixo felicitar ao departamento que dirixe Rosa Quintana por recuperar as patrullas de vixilancia conxuntas entre Gardacostas de Galicia e Policía Autonómica, desmanteladas polo anterior Goberno bipartito, e salientou que estas patrullas mixtas se teñen amosado como “moi eficaces” na loita contra esta lacra que “dana, a mariñeiros e mariscadoras, e pretenden esquilmar os principais recursos pesqueiros e marisqueiros do noso país”.
SEGURO DO MAL TEMPO EFICAZ
Finalmente en relación co seguro do mal tempo, Balseiro Orol, subliñou a importancia que ten este instrumento como medida para compensar ás perdas de mariñeiros e armadores derivadas do amarre dos barcos, cando as circunstancias climatolóxicas adversas desaconsellan saír a faenar.
Tamén quixo salientar como “moi positivas” as melloras introducidas polo departamento autonómico que dirixe Rosa Quintana ao respecto do seguro do mal tempo: mantén a forza do vento como criterio para que poidan recibirse indemnizacións, algo negado polo bipartito nun principio e que finalmente acabou introducindo na póliza “pola porta de atrás”, adecuou o orzamento destinado a este seguro ao gasto real, o que implica que non se detraen recursos para outras prioridades, e hoxe a Xunta ampliou ata o 75% o porcentaxe que se asume con recursos públicos sobre custe total da prima.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
