RIBADEO (FNC) .- Rematou tras varias horas de traballo unha nova xuntanza da comisión municipal de urbanismo á que asistiron o alcalde, Fernando Suárez, técnicos de Eptisa (a empresa redactora do PXOM), técnicos municipais e representantes dos grupos políticos da Corporación de Ribadeo. O rexedor destacou “o clima de diálogo e de implicación por parte dos partidos” e sinalou que “tanto os técnicos coma min estivemos a informar do traballo que realizamos durante estes meses diante da Dirección Xeral de Patrimonio coa intención de tornar en positivo aquel informe negativo emitido hai algún tempo. Creo que hai avances importantes que nos fan pensar en que en breve poderiamos contar co visto bó de Patrimonio”.
Suárez Barcia explicou que “no encontro de hoxe lles demos conta das xestións, negociacións e resultados de varias cuestións que me encargaran os diferentes grupos políticos sobre determinados ámbitos urbanos que requerían unha análise ao detalle”. E seguiu a relatar que “tamén estivemos a analizar cuestións técnicas sobre o Plan de Ordenación de Litoral e antes de que remate o prazo de presentación de alegacións os técnicos terán lista unha proposta final para aprobala e envíala a Medio Ambiente”.
O alcalde considera “importante a xornada de hoxe xa que retomamos as xuntanzas da comisión municipal de urbanismo despois de meses de intenso traballo para realizar as encomendas que nos propuxeron os diferentes partidos políticos”. Suárez Barcia dixo que “non quero adiantar acontecementos nin poñer na miña boca palabras dos outros grupos, pero todo fai pensar que a aprobación provisional do Plan Xeral de Ordenación Municipal pode ser unha realidade. Non quero botar campás a ovó, pero entendo que estamos na boa liña, vexo boa disposición por parte de todos”.
O rexedor asegurou que “nesta xornada me ordenaron unha serie de tarefas relativas a cuestións urbanísticas que os técnicos e máis eu xestionaremos con todo o gusto e con premura”.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
