Nota de Prensa
OS ARGUMENTOS DA CONCELLEIRA DE FACENDA DE CERVO PARA DEFENDER A XESTIÓN ECNÓMICA MUNICIPAL SERÍAN DE RISA DE NOS SER POLA SERIEDADE DO ASUNTO
Un goberno que non elabora orzamentos anuais tendo maioría suficiente para facelo nin e exemplar nin pode botarlle a culpa á oposición
Os nacionalistas lembraron que nos últimos dous anos as liquidacións aprobáronse con deficit de 1.677.000 e 267.000 euros respectivamente
Cervo, 18 de abril de 2010. Para o BNG a xestión económica do goberno local e un desastre por moito que a responsábel local de facenda poda dicir outra cousa. Os nacionalistas lembran que non houbo un só ano no que o PP presentara os orzamentos municipais nas datas correspondentes, e na maioría dos exercizos estes foron prórrogas de orzamentos anteriores xa que o goberno local a pesar de ter maioría suficiente para aprobalos nin se molesta en elaboralos. O mesmo se pode dicir da aprobación das contas xerais e liquidacións que sempre se fan fora de prazo e con resultados deficitarios consecutivos.
O feito de que ano tras ano as liquidacións ofrezan resultados negativos de tesourería non pode ser cualificado como exemplar.
Os nacionalistas cualificaron de desastrosa unha xestión económica que ofrece ano tras ano u resultado orzamentario negativo. Referíndose unicamente ás liquidacións orzamentarias dos últimos dous anos, analizaron que os resultados deficitarios das liquidacións de 2008 e 2009 con 1,6 e 267.000 euros de remanente negativo de tesourería da boa conta do desastre na xestión económica municipal. O Portavoz municipal nacionalista, Xoán Estúa manifestou que non houbo un so exercizo orzamentario dende que o PP está no goberno local no que o remanente de tesourería para gastos correntes fose positivo e que esta situación lastra ano tras ano os orzamentos seguintes
O goberno local ten dereitos pendentes de cobro por 5 millóns dos que 3,39 son de dubidoso cobro
Na mesma liña, Estúa fixo mención á mala xestión económica do Partido Popular ao referirse aos dereitos pendentes de cobro de exercizos pechados e correntes. O nacionalista argumentou que a liquidación do exercizo 2008 deixou á vista dereitos pendentes de cobro por importe por mais de 5 millóns de euros, que en moitos casos non se van poder executar e requiriu ao goberno local a súa depuración, tal como recomendaban os servizos de intervención municipal que cuantifica en 3,39 millóns as débedas de dubidoso cobro. “Estúa fixo mención a esta cifra ao cualificar de neglixente que o goberno local deixe escapar semellante recadación por non facer as xestións oportunas para o eu cobro e recalcou que o concello de Cervo non e pobre, e un concello cuns xestores económicos pobre e neglixentes.”
Botar a culpa de todos os males á oposición xa non cola despois de 11 anos no goberno
Os nacionalistas lamentaron que o goberno local siga botando as culpas da mala xestión económica a outros sen asumir nin en parte as responsabilidades propias cando levan 11 anos gobernando sen que os resultados económicos melloren. Estúa lembrou que nos anos das vacas gordas do urbanismo o goberno local dedicouse a dilapidar os cuantiosos ingresos en taxas por licenzas de construción e agora pretenden facerlle pagar á cidadanía a mal xestión deses anos mediante o incremento até o límite fixado por lei dos impostos directos e indirectos aprobados no Plan Económico-Financeiro.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
