NOTA DE PRENSA
Estrada ou congostra?
O BNG de Xove declarou onte que é competencia da actual Xunta (e obriga do goberno municipal de Xove esixirllo) acurtar os prazos para a consecución da Vía de Alta Capacidade, xa que sen vías de comunicación non pode existir nin Cinto Industrial de Alcoa nin desenvolvemento económico. “Aquí só temos unha única estrada, e mala”, dixeron desde o Bloque.
O responsábel local dos nacionalistas xovenses esixiu a inmediata reparación da única vía de comunicación que vertebra A Mariña ao longo de toda a costa, tanto do tramo que administra o Estado como do que é competencia exclusiva da Xunta, e alegou que “mete medo” viaxar desde Xove cara a Viveiro ou Ribadeo.
Marco López lembrou que nos anos 80, sendo conselleiro de Obras Públicas do goberno de Galiza o ovetense Ángel Mario Carreño (PP), decidiuse que o treito da estrada que vai de San Cibrao a Asturias se xestionaría polo goberno de Madrid e o que vén de San Cibrao a Ferrol sería competencia do de Santiago. Unha decisión inexplicábel, como tantas outras, pola que agora pagamos as consecuencias.
López cualificou de “hipocrisía política” o feito de que, hai pouco máis dun ano, o goberno municipal do PP esixira -con manifestación incluída- que o Corredor Barreiros-Ferrol estivera listo no ano 2011. O goberno bipartito comprometeuse daquela a executalo antes de que rematara 2013, sendo moi criticada esta decisión polo executivo local. Sen embargo, tras o acceso ao goberno autonómico, os populares xovenses defenden na actualidade que o ano 2017 é unha “previsión realista” para o remate das obras. “No canto de esixirlle ao actual goberno o que lle esixiron no seu día á anterior Xunta, calan a boca”, asegurou López, que se preguntou “se iso é gobernar”.
López tamén recordou que o paro vén subindo de xeito considerábel desde que o novo goberno da Xunta está a aplicar a súa “receita económica”. Neste sentido incidiu no potencial económico de Xove, que se por algo se caracterizou historicamente é por ser unha vila industrial e de servizos, cuxo desenvolvemento futuro está moi condicionado á mellora das infraestruturas viarias. “A fachenda non crea benestar”, senón que a mellora da calidade de vida da cidadanía acádase con “iniciativas e traballo”, sentenciou Marco López.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Ambas destacaron o impacto cultural do evento deste sábado en Lugo. A gala, presentada por Trisha Fernández e Federico Pérez, contará con actuacións de Xabier Díaz, Adufeiras de Salitre e Mondra.
Estes servizos sumaranse aos que xa permanecen abertos habitualmente, como os do parque Pernas Peón. O Día das Tortillas, que se celebra o domingo anterior ao Domingo de Ramos, reúne cada ano a veciños e visitantes en varios espazos do municipio. Con esta medida, o Concello busca facilitar o desfrute da xornada e mellorar a comodidade das persoas asistentes. Desde o Concello de Viveiro lémbrase tamén a importancia de facer un uso responsable das instalacións públicas, de manter limpos os espazos naturais e de respectar as n
Afectarán aos seguintes servizos: Piscina: pechada. Duchas dos vestiarios: pechadas. Ximnasio e actividades en seco: abertos no horario habitual. O Concello agradece a comprensión da cidadanía.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
A actividade conta coa colaboración do Concello.
