NOTA DE PRENSA:
O GPPP asegura que Martínez minte sobre os procesos de expropiación xestionados pola Deputación
* Os populares acúsano de ignorar os pasos administrativos do propio proceso e convídano a centrarse con máis dedicación e entusiasmo a súa laboura
Lugo, a 5 de abril de 2010.- O delegado de infraestructuras da Deputación de Lugo Manuel Martínez confunde termos que, dada a súa responsabilidade, debería dominar, aseguran dende o Grupo provincial do Partido Popular. Así, cando fala da tramitación de 1.521 expedientes de expropiación debería dicir 1.521 fincas afectadas por unha expropiación, que son cousas moi distintas.
Pero non é éste o único erro ou, para ser máis explícitos, a única mentira na que incurre o Sr. Martínez, segundo suliñan os populares: O procedemento ordinario á hora de ocupar terreos para executar unha obra é o mutuo acordo, unha tramitación que está reglada pola lexislación vixente, e cando non existe entendemento entre as partes afectadas (administración e propietarios) iniciase o proceso de expropiación.
É máis, o anterior goberno provincial, cando non había mutuo acordo, solicitaba a urxente ocupación dos terreos (cuxa autorización correspóndelle á Xunta otorgala) para poder entrar na finca afectada antes da resolución definitiva do expediente de expropiación, precisamente co fin de acelerar o máis posible a execución da obra. Para facer uso deste procedemento, a administración provincial debe, como condición indispensable, reservar os fondos precisos para pagar a expropiación correspondente, que inicialmente se depositaba en Facenda e máis recentemente na caixa de depósito da propia Deputación.
Aclarado está, ó entender do GPPP, que Manuel Martínez minte cando indica que o bipartito provincial regularizou o sistema de expropiacións porque éstas xa se facían seguindo a legalidade vixente. Engaden ademais que o servicio de expropiacións non debía de funcionar tan mal daquela porque as obras facíanse e os terreos que se ocupaban, fose pola vía do mutuo acordo ou da expropiación, pagábanse; e o personal adscrito a este servicio non debían ser tan inepto como el asegura porque prácticamente é o mesmo que atende neste momento.
DECLARACIÓNS MALINTENCIONADAS.-
Os populares tamén califican de malintencionadas as verbas do responsable de infraestructuras da Deputación cando suxire que premeditadamente se retrasaba a resolución das expropiacións e o pago das mesmas e que eso provocou que houbera que pagar intereses. Martínez obvia que os expediente expropiatorios resolveos o Xurado de Expropiacións de Galicia, que, en teoría, ten tres meses de prazo para dar o seu fallo, e que casualmente durante a etapa de goberno do bipartito na Xunta de Galicia adicábase a requerir un sinfín de documentación, normalmente innecesaria, para a resolución dos expedientes, o que provoca a dilación do proceso e o conseguinte custo engadido.
Os populares tamén se amosaron asombrados porque Manuel Martínez considere excesivos os pagos realizados por algunhas expropiacións, obviando tamén que é un técnico da propia Deputación o cumplimenta as follas de aprecio da administración e o que, por tanto, asigna o correspondente valor ós terreos.
En definitiva, para o GPPP o intento de Martínez por xustificar a súa mala xestión ó fronte de área de infraestructura desmóntase por si soa e pola súa ignorancia manifesta sobre o propio proceso administrativo a seguir. E por elo que os populares convídano a centrarse con máis dedicación e entusiasmo a súa laboura, dinamice as obras pendentes e deixe de botar tanto á vista atrás con espíritu revanchista.
Suliñan ademais dende o GPPP que se quere aforrar cartos pode principiar por evitar os gastos innecesarios que afectan o seu departamento e por poñer coto á ocupación de terreos sen firmar a obrigada acta de toma de posesión de terreos.
Para os populares o único claro é que o servicio de vías e obras da Deputación está paralizado, leva prácticamente tres anos sin acometer obras novas, situación que contrasta coa etapa anterior polo que non cabe dúbida de que algo se debe estar a facer mal dende o departamento que dirixe Manuel Martínez.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
