VIVEIRO.- A Asociación Xuvenil de Cultural “Colectivo Chilindrín” de Celeiro presentou a nova comisión de festas, agradecendo o traballo da anterior comisión e presentando un amplo programa de actividades.
NOTA DE PRENSA:
A Asociación Xuvenil e Cultural “Colectivo Chilindrín” de Celeiro, realizou esta tarde unha rolda de
prensa co obxectivo de presentar a nova Comisión de Festas de Celeiro, a mesma estará formada por
integrantes da nosa asociación, que asume a organización logo de que a anterior Comisión deixara a
súa organización o pasado ano.
En primeiro lugar, queremos mostrar o noso agradecemento, o traballo realizado pola anterior
comisión de festas, durante os 9 anos que levaron a cabo a súa organización.
O Colectivo Chilindrín, asociación da que forman parte máis de 60 mozas e mozos de Celeiro, e que
traballa por dinamizar social e culturalmente Celeiro, non podía permitir que o pobo de Celeiro
ficara un ano sen as súas Festas Patronais e do Mar, polo que se tomou a decisión de asumir a
Comisión de Festas, dentro do programa de actividades da nosa asociación, para o ano 2010.
A comisión está formada por 8 integrantes: Darío San Isidro, Francisco Portilla, Breixo Buján, Gabriel
Insua, Mateo López, Pastor Fernández , Bernardo Fraga e Javier Fustes, e xa pode adiantar unha
parte do programa das FESTAS PATRONAIS E DO MAR que contarán con 10 días de actividades, do
17 ao 27 de Xullo de 2010.
A actividade comeza o sábado 17, coa celebración do V FESTIVAL ARREAOCABO no Parque de
Lavandeiras a partir das 20.30 horas. O domingo 18 as 18 horas na Praia, disputarase o tradicional
partido Solteir@s contra Casad@s. Os días 20 na Praza do Chao, 21 na Atalaia e 22 na Praia,
contaremos con actuacións de música na rúa as 21 horas.
O inicio oficial das festas terá lugar o venres 23 de xullo día no que se levará a cabo, pola noite, a
Procesión de Baixada da Virxe do Carme ata o porto. A verbena será coa ORQUESTA ACHÉ.
O Sábado 24 celebramos o DÍA DO CARME, coa tradicional Procesión Marítima as 11.30 horas.
Haberá sesión vermouth coa Orquesta CINEMA, e verbena con CINEMA e Grupo MASTER.
O Domingo 25 DÍA DE SANTIAGO, sesión vermouth e verbena coa orquesta JERUSALÉN.
O Luns 26 DIA DE SANTA ANA, celebrarase a VIII festa da Cervexa e Empanada as 21 horas, e
teremos sesión vermouth e verbena co grupo SAMBA.
E por último o martes 27 será o DIA DO NENO, con xogos para os máis pequenos durante toda a
tarde.
Dende a asociación, seguimos a traballar para pechar o programa das festas, que será enviado aos
medios e publicitado no momento que teñamos a confirmación definitiva, ademais queremos
agradecer o apoio e colaboración mostrados pola Cofradía de Pescadores de Celeiro e o Concello de
Viveiro
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
