CERVO .- O grupo de Goberno do Concello de Cervo quere saír ao paso das afirmacións vertidas de socialistas e nacionalistas sobre o desenvolvemento dos actos do Día do Xubilado.
As criticas destes dous grupos políticos -os cales non fan máis que enorgullecerse dos logros presuntamente acadados polos seus partidos noutros concellos que non son aos que din pertencer- afirmando que a intervención da delegada territorial da Xunta de Galicia no acto do día do Xubilado era propia dun mitin político demostran, ao noso entender, a súa incapacidade de percibir a realidade na que viven e o lonxe que están dos problemas dos veciños.
En primeiro lugar temos que afirmar que a pesares do que eles din, nos non escoitamos nin percibimos ningún tipo de malestar nin criticas dos participantes do Día do Xubilado pola intervención da delegada territorial. Sen embargo, e ao parecer, a estes señores doeulles escoitar certas verdades que desgraciadamente son constatables por calquera persoa que teña dereito a percibir axudas da Lei de Dependencia, coma era o caso de moitas da xente que asistía a esta celebración.
Desgraciadamente eles -os cidadáns con dereito a este tipo de axudas e prestacións- non viven no “País das Marabillas” no que están asentados dende hai anos nacionalistas e socialistas; por iso, cumpre lembrarlles que a día de hoxe, o Estado débelle á Xunta de Galicia máis de 200 millóns en materia de Dependencia.
Isto foi o que alí se dixo por parte da delegada territorial da Xunta, pero segundo parece, aos presuntamente membros da oposición do noso municipio non lle gusta ouvir estas verdades, feito este que denota ben ás claras o seu carácter partidista e de defensa do pensamento único das súas formacións políticas ao que xa nos teñen acostumados.
Pensamos que as verdades non teñen porque ofender a ninguén, sobre todo cando se trata de algo que afecta a tanta xente, aínda que para PsdeG e BNG este sexa un dato sen importancia que non debería ser coñecido polas persoas que se están vendo afectadas por este estrangulamento económico perpetrado dende o Estado coa conivencia de nacionalistas.
Dende o grupo de Goberno local queremos facer un chamamento a estas dúas formacións políticas para que deixen a súa teima de criticar sistematicamente todo canto se fai dende o Concello de Cervo e deixen traballar a quen quere facer algo por este municipio.
Se realmente quixeran facer algo por este municipio tiveron tempo dabondo para demostralo cando contaron con opcións de Goberno e, sen embargo, o que fixeron foi xestionar servizos para outros concellos, tal e coma eles mesmos afirman publicamente. Exemplos da etapa bipartita da Xunta coma a construción da Residencia da Terceira idade de Viveiro -posta como modelo de xestión do único concelleiro nacionalista- ou o respaldo público dos socialistas de trasladar o Parque de Bombeiros comarcal a Viveiro -a pesares de votar a favor un acordo plenario solicitando que se construíra no noso concello- son a mostra inequívoca da súa inexistente implicación e nulo compromiso cos veciños e veciñas de Cervo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
