BURELA (FNC) .- Do 28 ao 30 de maio terán lugar en Burela as terceiras xornadas gastronómicas da pescada do pincho. O prezo da ración será de 6 euros ao igual que en anos anteriores. A cita gastronómica foi presentada hoxe polo alcalde, Alfredo Llano, pola concelleira de Mar, Remedios López e polo presidente de Absa, Abelardo Basanta.
A edil socialista sinala que “estas xornadas coincidirán co inicio das festas patronais e coas xornadas técnicas de Expomar onde se reunirá moita xente de fora. O concello de Burela intenta fomentar e promocionar a innovación e a calidade dun dos sectores mais populares da nosa vila como é a nosa gastronomía, publicitando un dos produtos estrela do noso peirao”.
Nesta ocasión participan nas xornadas gastronómicas da merluza do pincho 14 hoteleiros: Parrillada de Jandro, Mesón do Poeta, La Bodeguilla, Os Remos, O Sargo, Don Jamón, Miranda, Palacio de Cristal, Hamiltón, Mesón de Carlos, a Marquesa, A Facenda, PizzBur e Cervecería Kiko. Remedios López engade que “dende Absa ven moi positiva esta iniciativa de promocionar os seus produtos, e van agasallar como fixeron en anos anteriores cunha merluza do pincho a cada restaurante que participe nesta festa gastronómica. O Concello pola súa parte faráse cargo, como organizador das xornadas, da publicidade en prensa e radio e tamén da cartelería sen coste algún para o hostaleiro. O que pretendemos é que Burela sexa un sitio atractivo e pintoresco para vivir e coñecido pola súa pesca de gran calidade onde o turista poderá disfrutar da gastronomía saudable e apoiar ao noso tecido produtivo”.
A concelleira de Mar anunciou que “xunto coas xornadas gastronómicas e con motivo das festas patronais organizamos unha exposición fotográfica de retratos antigos para homenaxear ás nosas xentes dándolle continuidade a un evento fotográfico anterior e plasmando o transcurso de cen anos de recordos da nosa forma de vivir. Esta exposición faise grazas á colaboración do pobo que está a doar continuamente fotos e en especial da familia de Arcadio Pardiñas e tamén da asociación das Casas Baratas de Burela tendo no arquivo fotográfico da Concellería do Mar preto de 2.000 exemplares. Arquivo que sempre me gusta recordar está vivo e aberto para todos aqueles que as queiran doar e algún día ver expostas na praza os seus retratos”.
Remedios López segue a relatar que “esta exposición consta de 90 fotos antigas en branco e negro, colocadas en 45 paneis de aceiro. Estará colocada todo o verán na praza do Concello para recordar que a pesca segue a ser un dos inxectores da economía da Mariña, o que antes era unha actividade estival agora convertese nun oficio próspero e competitivo e grazas a él conséguense importantes ingresos económicos e turísticos que fan que Burela se desenvolva e medre. Esta plataforma de comunicación recorda o curso do patrimonio natural e cultural da nosa zoa pesqueira, pasando por chalanas a remos, barcos de madeira a vapor ata os nosos días con barcos de ferro cos últimos avances tecnolóxicos. Tamén se ven reflectidos os oficios de redeiras e industrias como a conserveira que naquela época creaba moitos postos de traballo que agora se extinguiron. Pretende así alcanzar unha maior concienciación e sensibilidade sobre o mundo do mar, potenciando o seu afianzamento como marco xerador de emprego e desenrolo socioeconómico”.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
