Nas últimas semanas asistimos a un clamoroso intento de manipulación política, sen precedentes, que ten como principal obxectivo xerar unha inxustificada alarma social nun asunto tan serio como é o da sanidade. Baixo o lema “salvemos o hospital” unha plataforma instrumentalizada por PSOE e BNG e determinadas organizacións afíns, insisten nun falso interese da Xunta polo desmantelamento da área sanitaria da Mariña.
Con cada paso que se está a dar é máis evidente a manipulación política. Dálles igual os reiterados desmentidos feitos desde a Consellería de Sanidade e polo propio Presidente da Xunta, que non só confirmaron a continuidade da área sanitaria, a súa total autonomía e poder de decisión, senón que tamén amosaron a aposta clara do novo Goberno de Galicia pola mellora do sistema público de saúde e do Hospital da Costa que, en que cabeza cabe, nin perderá servizos, nin desaparecerá.
Nos últimos meses a falta de contundencia dos seus argumentos obrigoulles a rectificar unha e outra vez e, malia isto, continúan faltando á verdade. Comezaron afirmando que o hospital pecharía, cando esto se desmentiu, que desaparecería a área sanitaria, cando a Consellería dixo que non se modificará o mapa sanitario en Galicia e o propio Parlamento galego, por unanimidade e a proposta do PP oficializou este compromiso, dixéronnos que dependeriamos de Lugo. Tampouco esto é certo, a Xunta xa clarexou para todo aquel que quere escoitar, que o xerente da área sanitaria de Burela, xestionará todos os recursos humanos, materiais, infraestruturas e prestacións tanto do Hospital da Costa como do conxunto dos centros de saúde. Lonxe de perdelas, gañamos competencias, porque antes a xestión dos centros de saúde se realizaba desde Lugo e agora se fará con autonomía desde Burela.
Moitos veciños están como nos sorprendidos porque esta plataforma non se manifesten contra os recortes sociais que forzou o Goberno de Zapatero, que implica a precarización en materia de dependencia ou a reducción dos salarios dos traballadores sanitarios, pero si o fagan contra o SERGAS. Está máis que claro que este é, non se leven ao engano, unha manifestación contra o Partido Popular. De feito, está máis que demostrado que o bipartito estudaba xestionar a sanidade da Mariña desde Ferrol, o que si sería un atentado contra a nosa sanidade, e pese a iso, hoxe comparten pancarta, solo con interese de facer dano político.
A verdade é que a Xunta está a realizar un investimento millonario neste centro incompatible co seu peche. Está a ser un Goberno do PP o que multiplicará por dez os recursos achegados polo bipartito nos pasados anos: reformarase a área de maternidade, a cuberta do hospital, a rampla de acceso, haberá máis espazo para a sala de espera da resonancia, para farmacia e arquivos. Falamos de compromisos orzamentarios que superan amplamente o millón de euros.
Non é verdade, e así temos que dicilo con contundencia, que haxa que derivar pacientes a Lugo. O hospital manterá todas as súas especialidades médicas e servizos, e máis a Xunta intenta amplialos (servizo de detección precoz do cancro de mama, nefroloxía, cardioloxía, vías rápidas. Como a de cancro de colon..). Non é verdade que o decreto de nova estrutura dos hospitais faga que o de Burela deixe de ter unha xerencia independente, descafeinada ou sen poder de decisión, pois nin tan sequera este decreto existe, e todo esto foi desmentido reiteradamente desde Sanidade. Falan dun aumento das listas de espera, pero non explican que o bipartito deixou máis de 4.000 pacientes, con nomes e apelidos, na lista de espera oculta, alleos ás estatísticas oficiais, aos que se lle negaba unha asistencia sanitaria que hoxe grazas ao esforzo dos profesionais se lles está a ofrecer. Non é verdade que o PP teñan reducido o orzamento do Hospital, hoxe hai máis recursos, dispón dun orzamento independente e o manterá no futuro negociando directamente con Santiago.
Estamos convencidos de que os veciños da Mariña non se deixarán enganar e rexeitarán unha forma de facer oposición, que recupera a pancarta e a alarma social, é o “todo vale contra o PP” que está a superar amplamente os límites admisibles. A pesar de que algúns preferirían ver a sanidade morrer, tan só por prexudicar á actual Xunta, podemos asegurarvos que o sistema público de saúde da Mariña sairá fortalecido: con máis competencias e poder de decisión. Somos o partido máis votado da Mariña, e sempre nos deberemos aos veciños da comarca.
PARTIDO POPULAR DA MARIÑA
Deputados, alcaldes, portavoces e concelleiros locais.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
