Despois de case catro anos o TC foi quen, non sen esforzo, de emitir un fallo sobre o recurso de inconstitucionalidade presentado polo PP contra o novo Estatut catalán. Segundo a perspectiva que adoptemos, así tiraremos conclusións.
Para os partidos cataláns, agás o PP, a sentenza supón unha aldraxe, pois vena como unha lectura restritiva da Constitución e, fundamentalmente, como un desprezo á vontade popular expresada nas urnas. Para o PSOE, un alivio, pois pecha unha asignatura pendente, de fondo calado político, permitíndolle centrar os esforzos na crise. Para o PP, non se consola quen non quere, dálles a razón. Recorren uns 130 artigos por inconstitucionais, tan só lle dan a razón en 14 (en parte, nada máis), e dinos o se±or Rajoy que o TC avala o seu recurso. Querían carne e déronlles peixe. E din: ôCarne de mar, xusto o que nós pediramos!ö
Inevitabelmente, esta sentenza volve a poñer no punto de mira o necesario estatuto de nación para Galiza. Na anterior lexislatura, o PPdeG, co señor Feijoo á fronte, rachou o consenso acadado. A actitude amosada no proceso negociador reflectía unha preocupación maior por encirrar no bipartito que en atopar ese necesario punto de encontro. De todos é sabido o desenlace final. Ao abeiro dunha política deseñada desde a FAES (algúns ben se atragoaron aprendendo catalán na intimidade da noite para a mañá!) o señor Feijoo racha as conversas e bota abaixo a posibilidade dun novo estatuto galego en pé de igualdade co catalán, para maior gloria dunha política recentralizadora. Todo isto adobado coa vaga esperanza dunha sentenza que lles dera a razón. Pois nin iso: no fundamental, o texto final que poderían acordar para someter a referendo tras o debate e aprobación no Parlamento galego cabería dentro do marco desta sentenza.
E agora, aquí estamos. Con tres anos e pico perdidos. Tendo que volver a comezar de cero. E os valencianos, canarios, e outras comunidades, pedindo o mesmo que Catalunya. Porén, Feijoo insistindo en que nación só hai unha: a española. E Fraga, como nos vellos tempos, berrando: ô¡Viva España!ö. E a defensa do noso país, da nosa economía, da nosa linguaà no limbo. Temos o que nos merecemos. Ata que lle poñamos remedio. Podemos. Temos que querer. E poñernos ao labor.
Farruco GRAÑA
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
