RIBADEO (FNC) .- O alcalde, Fernando Suárez, vailles propoñer ao resto dos grupos políticos con representación no Concello unha posición conxunta ou maioritaria para demandarlle á Xunta que manteña no IES Dionisio Gamallo Fierros o bacharelato de adultos na modalidade presencial.
O rexedor asegurou este mediodía que “como alcalde de Ribadeo estou francamente preocupado por estas noticias que estou vendo na prensa e en escritos formais presentados polo claustro de profesores do IES Dionisio Gamallo Fierros nos que amosan a súa preocupación, compartida por este goberno municipal, sobre o cambio de modalidade no bacharelato para adultos que pasará de ser presencial a semipresencial”.
Fernando Suárez explicou que “iso ocasiona que se reduza a unha hora á semana por asignatura, isto parécenos absurdo cando aquí en Ribadeo hai uns 18 alumnos matriculados, cifra que para nada ten que ver coas argumentacións da Xunta que di que suprime o servizo porque non ten demanda, pero no caso de Ribadeo non é certo. Últimamente a matrícula foise incrementando porque hai máis xente no paro e mentras están nesa situación queren ampliar os seus estudos, dentro de toda esta xente hai unha porcentaxe moi importante de mulleres que logran elevar a súa autoestima porque moitas veces non puideron ter acceso a estes estudos. É tamén unha forma para que a xente busque maior cualificación de cara a conseguir un traballo, parécenos absurdo que con estas decisións A Mariña vaia quedar sen estes servizos de forma que alguén que queira facer o bacharelato para adultos terá que desprazarse ata Lugo. Un día falamos da sanidade agora da educación e non parece axeitado que isto se vaia consolidar así”.
O alcalde anunciou que “aproveitando que nuns días teremos un pleno ordinario, eu quérolle propoñer ao resto de grupos unha posición unánime e conxunta ou en todo caso maioritaria para demandar da Xunta que o bacharelato de adultos se siga a manter no IES Gamallo Fierros na modalidade presencial por demanda de alumnos e porque é algo que se necesita e non podemos perder este servizo que con tanto éxito se está a prestar nos últimos tempos, con gran éxito de matrícula, gran demanda e gran aceptación por parte dos alumnos”.
O Gamallo Fierros tivo matriculados durante este pasado curso en 1º de BACHEPA a 18 alumnos ademais doutros en materias soltas e en 2º houbo tamén outros 18 alumnos. Desde o claustro de profesores xa lle comentaron a Fernando Suárez que “co paso ao sistema semipresencial varios estudantes xa manifestaron a súa decisión de abandoar e tamén houbo casos de alumnos que acudiron ao centro a matricularse para o vindeiro curso e non o fixeron ao enterarse da orde da Consellería de Educación”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
