SANTIAGO .- O vindeiro 3 de xullo, no marco das celebracións polo Día do cooperativismo galego en Pazo Baión e coincidindo co Día Internacional das Cooperativas, farase entrega dos galardóns do certame de cooperativismo no ensino dirixidos a colexios de infantil, primaria, secundaria e formación profesional, nos que tres centros da provincia de Lugo foron premiados.
O xurado valorou o afianzamento e a promoción que fixeron os proxectos de cara a difundir os principais valores cooperativos como a solidariedade, a equidade e a axuda mutua.
Os alumnos gañadores que recollerán os galardóns no Pazo Baión son:
* Centro de Educación Infantil e Primaria San Miguel de Reinante de Barreiros: 1º Premio Categoría D: ‘Unha receita cooperativa’
E na modalidade dos premios aos proxectos empresariais cooperativos dos centros de Formación Profesional:
* Instituto de Ensinanza Secundaria As Mercedes de Lugo: Accésit ao proxecto empresarial finalista ‘Óptima, sociedade cooperativa galega’, premiado polo seu carácter innovador, xa que ten como obxecto a emisión de certificacións de eficiencia enerxética dos edificios, así como o seu mantemento, seguindo a liña da Unión Europea para o futuro é a redución drástica na emisión de CO2.
* Instituto de Ensinanza Secundaria Politécnico de Lugo: Accésit ao proxecto empresarial finalista ‘Altrote’ polo seu compromiso coa mellora da calidade de vida mediante a posta en marcha dunha escola infantil no concello de Becerreá cun centro ecuestre que ten como singularidade a actividade de hipoterapia para nenos discapacitados.
Convocados de maneira anual, estes premios parten do obxectivo de fomentar e difundir o cooperativismo e os seus valores entre a comunidade escolar. Tendo en conta que o cooperativismo é recoñecido como a expresión práctica de valores sociais como a solidariedade, a igualdade ou a participación, a través destes galardóns se recoñecen as actividades que potencian e propician estes valores.
Nesta edición presentáronse centros de toda Galicia mediante proxectos que engloban xogos cooperativos, exposicións ou visitas a cooperativas.
Os galardóns do certame de cooperativismo no ensino están dirixidos a todos os centros de educación infantil, primaria e secundaria obrigatoria de Galicia, podendo participar nas modalidades de debuxo, pintura, fotografía e/ou vídeo (establecéndose catro categorías diferentes en función do nivel de ensino dos participantes) ou na modalidade de actividades cooperativizadas (diferenciándose entre os alumnos de 1º e 2º de ESO):
Modalidade de debuxo, pintura, fotografía e/ou vídeo.
A: alumnos/as de 2º ciclo de educación infantil.
B: alumnos/as de 1ºe 2º de educación primaria.
C: alumnos/as de 3º e 4º de educación primaria.
D: alumnos/as de 5º e 6º de educación primaria
Modalidade de Actividades Cooperativizadas dirixida ao alumnado de 1º e 2º da ESO:
E: alumnos/as do primeiro ciclo da E.S.O.
F: alumnos/as do segundo ciclo da E.S.O.
No mesmo acto se entregarán os premios aos proxectos empresariais cooperativos dos centros educativos de Galicia que imparten formación profesional específica. Neles o xurado tivo en conta a coherencia, orixinalidade e viabilidade económica dos proxectos empresariais, así como a súa relación co contorno no que se desenvolven.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
