BURELA .- Unha vez que remataron as competicións en todas as categorías nas que participou, o club baloncesto Burela presenta a memoria de actividades. A tempada do club baloncesto Burela pode calificarse como moi boa en resultados deportivos, demostrando asi que o baloncesto é un deporte en auge nas categorias base na comarca e nas que o club baloncesto Burela, a pesar dos poucos anos que leva en activo é un dos piares importantes.
MEMORIA DE ACTIVIDADES DA TEMPADA 2009-2010
José Pedro Chao Polo, na condición de presidente da entidade CLUB BALONCESTO BURELA, presenta a seguinte memoria de actividade do Clube da tempada que remata.
Na presente tempada 2009-2010 o Clube Baloncesto Burela participou nas competicións con seis equipos ( 5 femininos e un masculino) nas categorías que seguen:
SÉNIOR FEMENINO
Neste equipo cun total de 8 licenzas, participamos na liga interzonal Santiago – Lugo. Adestrou as ordes de José Manuel Cobas un total de 4 horas semanais. Salientar que é a primeira temporada que participamos cun equipo sénior femenino, cumpriu os obxecivos deportivos previstos, xa que quedou clasificado en quinto lugar.
JÚNIOR FEMENINO
Este equipo cun total 13 licenzas, participou no torneo de apertura da Delegación Luguesa de Baloncesto, quedando primeiro clasificado o cal lle deu a opción a un cruzamento para optar a Liga Galega, onde foron eliminadas pola Compañía de María de Vigo. Participou na liga provincial de Lugo, onde quedou clasificado en primeiro lugar proclamándose campión provincial de Lugo, nos meses de Abril, Maio e Xuño participou representando a Lugo, na Copa FGB de Baloncesto, superando dúas eliminatorias frente a Seis de Nadal de Vigo, e o Celta Maristas tamén de Vigo, quedando ao final subcampión da Copa FGB na eliminatoria frente ao Marista BCA de A Coruña, o cal constitue un éxito importante para un clube modesto frente a clubes con moita tradición no basket femenino de Galicia, que eloxiaron a competitividade do noso equipo nas súas páxinas web.
Entrenou un total de 4 horas semanais as ordes do entrenador superior de basket Marco Justo Sierra.
INFANTIL FEMENINO
Este equipo ten un total de 15 licenzas, participou na fase zonal da competición escolar, onde quedou clasificado en segundo lugar cunha soa derrota e a piques de acceder a fase final provincial en representación da A Mariña.
Entrenou 4 horas semanais as ordes do adestrador Carlos Méndez Pena.
ALEVÍN FEMENINO
Este equipo ten un total de 12 licenzas, participou na fase zonal da competición escolar, proclamandose campión da mesma, polo cal participou na fase final provincial acadando o cuarto posto.
Adestrou 3 horas semanais as ordes da adestradora Laura Chao.
Unha xogadora deste equipo Noa Expósito participou habitualmente nas seleccións luguesas da categoría alevín.
ALEVÍN MASCULINO
Neste equipo temos un total de 10 licenzas, participou na fase zonal da competición escolar, proclamandose campión da mesma sen coñecer a derrota. Participou na fase final provincial, acadando o terceiro posto.
Adestra 3 horas semanais as ordes do adestrador Eulogio Ben López-
Un xogador deste clube, Álvaro Ferreira, foi seleccionado pola Federación Galega de Baloncesto para representar a Galicia nos campionatos nacionais que tiveron lugar en San Fernando (Cádiz) entre o 27 e o 31 do pasado mes de marzo.
BENXAMÍN FEMENINO
Neste equipo, temos 12 licenzas, adestran 3 horas semanais as ordes da adestradora Laura Claro e participan na fase zonal da competición escolar.
A vista do anterior, temos que sinalar que deportivamente, foi un ano moi bo para os intereses do clube. Tivemos ademáis adestrando 4 xogadores infantis masculinos que non chegaron para facer un equipo polo cal non participaron en competicións oficiais; o mesmo nos ocorreu con tres xogadoras cadetes, que non participaron nas competicións oficiais.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
