SANTIAGO .- O convenio entre a Consellería de Medio Ambiente, Territorio e Infraestruturas, a Deputación Provincial de Lugo e o Concello de Barreiros ten como fin primordial dotar ao municipio de infraestruturas ás que os cidadáns teñen dereito, garantindo o crecemento sostible e ordeado do ente local segundo afirmo a pasada semana Encarnación Rivas, secretaria xeral de Ordenación do Territorio e Urbanismos. Rivas apuntou que non se vai legalizar ningunha situación urbanística, senón proporcionar aos veciños uns servizos básicos.
A Consellería de Medio Ambiente, Territorio e Infraestruturas achega un importe de 5,6 millóns de euros para a execución das obras contempladas no acordo
A Xunta reitera que o fin do convenio co Concello de Barreiros é dotar ao municipio das infraestruturas que garantan o seu crecemento sostible e ordenado
O proxecto abrangue as obras de urbanización, abastecemento de auga potable e saneamento precisas para o desenvolvemento dos catro núcleos urbanos delimitados en Barreiros: San Cosme, San Pedro, San Miguel de Reinante e Reinante
A secretaria xeral de Ordenación do Territorio e Urbanismo, Encarnación Rivas, apuntou que non se vai legalizar ningunha situación urbanística, senón proporcionar aos veciños uns servizos básicos
Estas actuacións suporán un impacto socioeconómico non só para o municipio de Barreiros, senón para a súa bisbarra e a provincia de Lugo
Santiago, 10 de xuño de 2010.- O convenio entre a Consellería de Medio Ambiente, Territorio e Infraestruturas, a Deputación Provincial de Lugo e o Concello de Barreiros ten como fin primordial dotar ao municipio de infraestruturas ás que os cidadáns teñen dereito, garantindo o crecemento sostible e ordeado do ente local. Así o declarou hoxe a secretaria xeral de Ordenación do Territorio e Urbanismo, Encarnación Rivas, na súa intervención na Comisión 2ª.
O importe desta actuación interadministrativa ascenderá a máis de 14 millóns de euros, dos cales 5,6 serán achegados pola Xunta de Galicia, 1,2 pola Deputación Provincial de Lugo, e 7,2 polo Concello de Barreiros. O Goberno galego colabora de xeito técnico e financeiro con este municipio lucense, consciente de que é preciso resolver os problemas de precariedade que presenta a localidade nos servizos básicos para acadar uns niveis indispensables de calidade de vida.
Encarnación Rivas subliñou que o obxecto deste convenio é dotar ao solo dos núcleos urbanos existentes no termo municipal citado, de aptitude a curto prazo para servir de soporte da edificación residencial proxectada sobre as ditas áreas do solo.
O proxecto contempla as obras de urbanización, abastecemento de auga potable e saneamento precisas para o desenvolvemento dos catro núcleos urbanos delimitados en Barreiros, que non están comprendidos na franxa dos 500 metros medidos dende a liña anterior da ribeira do mar. Trátase de localidades como San Cosme, San Pedro, San Miguel de Reinante e Reinante, con exclusión do núcleo urbano de San Bartolo.
A secretaria xeral de Ordenación do Territorio e Urbanismo apuntou que non se vai legalizar ningunha situación urbanística, senón proporcionar aos veciños uns servizos básicos. Deste xeito, a Xunta non está a aplicar en Barreiros ningún criterio diferente ao que mantén co resto de concellos galegos, no ámbito de cooperación para a dotación de infraestruturas.
Por outra parte, Rivas destacou que a instrumentación dun único Plan Sectorial de Incidencia Supramunicipal é a vía máis axeitada de planificación territorial para transformar os niveis de urbanización e dotación que se contemplen como necesarios no citado ámbito. Neste senso, lembrou que en outubro de 2009 publicouse no Diario Oficial de Galicia (DOG) a licitación dos traballos para a redacción do novo PXOM de Barreiros.
En definitiva, Encarnación Rivas indicou que este proxecto supón un impacto socioeconómico non só para o municipio de Barreiros, senón para a súa bisbarra e a provincia de Lugo.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
