A MARIÑA .- O Observatorio da Mariña pola Igualdade apoia a manifestación convocada para o vindeiro sábado 26 de xuño en Burela pola Plataforma pola Defensa da Sanidade Pública na Mariña, colectivo do que forma parte. A adhesión do Observatorio a esta plataforma vén motivada polos efectos negativos da actual política sanitaria da Consellería de Sanidade, que non só non permite mellorar a calidade da atención, senón que podería levar a unha redución considerábel da actual carteira de servizos. As consecuencias negativas desta política afectan potencialmente a toda a poboación mariñá, pero ademais repercuten de xeito específico sobre as mulleres, en última instancia fomentando comportamentos discriminatorios con elas.
En primeiro lugar, se ben a redución de servizos médicos inevitabelmente implicará o desprazamento obrigatorio a outros centros de moitas persoas enfermas (homes e mulleres indistintamente), a función de acompañante do/a enfermo/a que case sempre desempeñan as mulleres convérteas en seres máis vulnerábeis. A este respecto, cómpre lembrar que as mulleres son aínda quen maioritariamente se encargan do coidado das persoas maiores, das crianzas e das persoas dependentes, e por tanto en moitas ocasións as mulleres terán que desprazarse a outros centros non só como pacientes, senón tamén como acompañantes.
Así mesmo, o recorte orzamentario experimentado pola sanidade pública provoca que a día de hoxe as mulleres da Mariña non teñan posibilidade de accederen a un parto natural, a menos que saian fóra da comarca. A situación tocante á interrupción voluntaria do embarazo é semellante, malia tratarse dun dereito das mulleres garantido pola lei.
Por último, outro indicador do deterioro que está a sufrir a sanidade pública na Mariña é a proliferación de centros médicos privados nas principais vilas desta comarca. A carestía do servizo privado non fai máis que aumentar a desigualdade na poboación en xeral, facendo que só aquelas persoas con recursos económicos poidan acceder a servizos que lles deberían ser proporcionados na sanidade pública. A situación afecta de forma especialmente grave ás mulleres, xa que polas particularidades da súa saúde (os estudos demostran que padecen máis patoloxías crónicas ca os homes) adoitan ter que acudir con maior frecuencia a estes servizos de saúde.
Por todo o anterior, o Observatorio da Mariña pola Igualdade estará presente na manifestación convocada pola Plataforma Cidadá pola Defensa da Sanidade Pública, e anima a toda a poboación a apoiar esta medida reivindicativa para esixir unha sanidade pública de calidade que ademais garanta o principio da igualdade.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
