Nota de Prensa
O BNG levou ao Pleno do Parlamento unha proposición non de lei sobre os efectos dos temporais “caducada”, xa que adaptou unha rexistrada en febreiro en relación coas choivas de decembro e xaneiro, e non aceptou unha emenda do Grupo Popular que pretendía a colaboración e coordinación entre administracións
O BNG REXEITA QUE O GOBERNO CENTRAL E AS DEPUTACIÓNS DE LUGO E DA CORUÑA COOPEREN COA XUNTA NA VALORACIÓN DE DANOS E O FINANCIAMENTO DE AXUDAS PARA OS AFECTADOS POLAS INUNDACIÓNS DA MARIÑA E ORTEGAL
* Balseiro lembra que a Xunta actuou “con rapidez e eficacia” ante os temporais do pasado mes de maio e que xa aprobou un decreto de axudas urxentes por importe de 5 millóns de euros.
Santiago, 23 de xuño de 2010.- O Grupo Parlamentario do BNG rexeitou hoxe unha proposta do Grupo Popular dirixida a que o Goberno central e as deputacións provinciais de Lugo e da Coruña cooperen coa Xunta na valoración de danos e o financiamento de axudas para os afectados polas inundacións da Mariña e Ortegal. O Pleno da Cámara debateu esta mañá unha proposición non de lei do BNG sobre os efectos dos temporais que Balseiro cualificou de “caducada”, xa que adaptou unha rexistrada en febreiro en relación coas choivas de decembro e xaneiro, ao verse “desbordado” pola iniciativa do Goberno galego e decidir que “algo tiñan que dicir”. Ademais, a iniciativa dos nacionalistas resultaba “incompleta”, por canto esquecían nela aos concellos de Ortegal, na provincia da Coruña, tamén afectados polos temporais, e se centraba unicamente nos da Mariña lucense.
Á dita iniciativa do BNG, o Grupo Popular presentou unha emenda dirixida a que a Xunta solicite a cooperación do Goberno central e das deputacións de Lugo e da Coruña na valoración de danos e no financiamento das axudas que se establezan. A emenda dos populares foi rexeitada polos nacionalistas, en coincidencia coa postura do PSOE, que tanto no Goberno central coma na Deputación de Lugo anunciaron xa que non colaborarían coa Xunta na reparación de danos nin no establecemento de axudas.
O deputado do Grupo Popular José Manuel Balseiro lembrou na súa intervención que a Xunta de Galicia actuou “con rapidez e eficacia” ante as inundacións da Mariña e Ortegal, algo do que “dan testemuña todos alí”, e que xa aprobou un decreto de axudas urxentes por importe de 5 millóns de euros.
Balseiro resaltou que xa na noite do día 9 de maio existía un operativo despregado na Mariña en apoio dos servizos de emerxencia dos concellos, coordinado pola delegada provincial da Xunta en Lugo, o director xeral de Emerxencias e Interior e outros responsables da Administración autonómica. O operativo pasou a ser coordinado polo propio conselleiro de Presidencia un día despois, no que se desprazou á zona, visita á que seguiron, nos días posteriores, as dos titulares de Medio Ambiente e Mar e do propio presidente Feijóo.
UTILIZACIÓN DO HELIPORTO DO HOSPITAL DA COSTA
O presidente da Xunta, resaltou Balseiro, visitou a zona “sen necesidade de pasearse en helicóptero nin de apropiarse do heliporto do hospital sen permiso e sen comunicación previa”, en referencia á visita da ministra de Medio Ambiente, cuxo helicóptero aterrou no heliporto do Hospital da Costa, en Burela, sen que mediara previamente notificación nin solicitude, co que a ministra fixo “un uso indebido dos medios de titularidade pública”.
O deputado contrastou a rápida e eficaz xestión do actual Goberno autonómico fronte aos temporais de maio co acontecido co Bipartito ante o Klaus, “cando a Xunta de PSOE e BNG non só foi superada polos acontecementos, senón que actuou con improvisación e lentitude” e sen dar “o apoio debido aos veciños dos concellos afectados”.
Balseiro insistiu que, para abordar as consecuencias das inundacións sofridas na Mariña e en Ortegal, “o mellor que podemos facer é pedir que as distintas administracións se unan á Xunta en apoio dos concellos afectados”, xa que “só unha acción coordinada” permitirá “abordar con eficacia as reparacións nos bens e infraestruturas danadas”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
