RIBADEO (FNC) .- O salón de plenos do Concello acolleu esta tarde a entrega dos premios da quinta edición de Ribadeo de tapeo. Foron 49 os establecementos hostaleiros que participaron nesta cita gastronómica e o xurado decidiu elixir como mellor tapa do ano á elaborada por La Solana; a mellor tapa creativa foi a do Cantón Bar e a mellor tapa tradicional a da Ribeira. O xurado concedeu dúas mencións especiais ao Cabás e á Cofraría de Rinlo.
O público foi o encargado de elixir a mellor barra. A premiada neste caso foi a Pizzbur. Os larpeiros de ouro, é dicir, aqueles que probaron todas as tapas presentadas a concurso, tamén recibiron os seus premios. José Luis Páez Rodríguez foi agasallado cunha cámara de fotos por cortesía de Cero Uno Informática; Miguel Angel de la Mata Rodríguez, obtivo un vale de 100 euros xentileza do Centro Comercial Aberto e Andrés Amor González levou tamén outro vale de 100 euros do CCA.
Entre o resto do público participante no Ribadeo de tapeo foron sorteados varios regalos. Luis Rodil Fernández disfrutará dunha fin de semana nun balneario ou nunha casa de turismo rural, xentileza do Centro Comercial Aberto; Pilar Carrero Bermejo, recibiu un lote de produtos de Bodegas Ribeirao; Mari Carmen Expósito Martínez, resultou agasallada cun vale de 100 euros para gastar nos establecementos asociados ao CCA e Francisco Basanta Ron levou un mp4 por cortesía de PC Coste.
O alcalde de Ribadeo, Fernando Suárez, foi o encargado de entregar os premios, xunto a representantes de ACISA e o CCA, encabezados polo seu presidente, Francisco Iriarte.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
