XOVE .- 19 alumnos e alumnas do IES Illa de Sarón, e 15 adultos da Escola de Maiores, participaron nunha nova actividade do programa “Encontros” en Xove, esta vez adicada ao mundo do mar. A actividade tivo lugar no Portiño de Portocelo, e estivo adicado á pesca de baixura, tanto a pé como en lancha.
NOTA DE PRENSA
NOVA ACTIVIDADE DO PROGRAMA “ENCONTROS” EN XOVE, ESTA VEZ ADICADA AO MUNDO DO MAR
Este Programa está organizado pola Unidade de Educación Familiar e o Departamento Municipal de Igualdade do Concello de Xove e subvencionado, en parte, pola Secretaría Xeral de Igualdade da Xunta de Galicia.
Este proxecto ten un doble obxectivo, crear espazos nos que os rapaces e rapazas coñezan de primeira man os traballos e oficios do noso concello, dende empresas a traballos relacionados co agro, o mar e a casa, explicados polos propios veciños, e fomentar a igualdade de xénero.
A última actividade que se desenvolveu dentro deste Programa tivo lugar onte 16 de xuño no Portiño de Portocelo, e estivo adicado á pesca de baixura, tanto a pé como en lancha.
Na actividade participaron 19 alumnos/as do IES Illa de Sarón, que actuaron lóxicamente como alumnos, e 15 adultos da Escola de Maiores, que fixeron, tamén lóxicamente, de profesores, dado que, ao fin e ao cabo, do que se trataba era de que estes últimos explicaran aos máis xoves o oficio de pescador, tanto a pé como en lancha, oficio este, dos de máis tradición nun Concello tan costeiro coma o noso. Na xornada tamén estiveron presentes a Concelleira de Igualdade Ana Abad, coordinando a actividade, e tamén o Inspector do Gardacostas de Galicia Gabriel López, o cal lles explicou aos rapaces todo o tema de licencias para poder exercer o oficio da pesca.
Unha das cuestións nas que máis se lles incideu foi no tema dos plásticos, auténtico veleno para o mar, dado que tarda centos de anos en degradarse, dahí a súa perigosidade.
Dentro xa das prácticas realizadas, estiveron recollendo miñocas como cebo para poder pescar, pasando despois a unhas pequenas prácticas de remo co fin de aprender a mover e maniobrar nunha lancha pequena (chalano). Tamén tiveron oportunidade de coñecer varias artes de pesca como aparellos, nasas, etc, así como artiluxios tales como zalabardos, raños, etc.
Por último, os alumnos recibiron unha ampla información sobre a incorporación da muller ao traballo do mar, tanto pola costa recollendo percebe, ou ben, polo mar embarcadas en lanchas de baixura. De ámbolos dous casos hai exemplos tanto en Portocelo como en Morás. Tamén a nivel directivo se está producindo esa incorporación; así temos, por poñer un exemplo, un grupo de mulleres ocupando altos cargos na Xunta en temas marítimos.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
