BURELA (FNC) .- A Concellaría de Cultura e Deportes está a preparar os terceiros xogos da costeira que se desenvolverán o 7 de agosto coincidindo coa feira do bonito. As peñas interesadas en participar teñen ata o 30 de xullo para inscribirse na Casa do Concello.
A responsable de Cultura e Deportes, Neves Cando, manifestou que “dentro dos actos da 26 edición da feira do bonito que terá lugar en Burela o 7 de agosto dende a Concellaría de Cultura e Deportes estamos botando a andar a terceira edición dos xogos da costeira que se desenvolverán ese mesmo día a partires das 11 da mañá na explanada portuaria”.
A edil nacionalista explicou que “estes xogos da costeira constitúen o complemento lúdico-deportivo a estes actos de exaltación do bonito que a longo de todo o día teñen lugar no noso pobo. Para poder participar neles hai que constituír as chamadas peñas boniteiras, grupos de 10 persoas, cun mínimo de catro homes ou catro mulleres que, cun patrón ou patroa á fronte, competirán en cinco especialidades deportivas. O clásico xogo de tiro da corda, a carreira de varas, a carreira de relevos, a pesca do bonito e o quebracabezas da costeira”. Neves Cando engadiu que “estas peñas deberían ir vestidas para a ocasión segundo a temática da feira do bonito e cun estandarte, pancarta ou lema distintivo. Estas dúas cousas, a orixinalidade do vestiario e a identificación das peñas serán obxecto de puntuación polo xurado que ao final da mañá outorgará o premio á peña que máis puntos consiga na competición. O premio á peña gañadora consistirá no peso do patrón ou patroa en bonito así como un trofeo”.
Para poder participar nestes terceiros xogos da costeira os grupos que queiran facelo poderán anotarse na Casa do Concello ata o vindeiro 30 de xullo.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
