LUGO .- A Vicepresidenta Segunda da Deputación, Lara Méndez, participou este venres na inaguración da nova sede que a Unión de Profesionais e Traballadores Autónomos de Galicia (UPTA) puxo en marcha en Lugo. No transcurso do encontro, Lara Méndez destacou que o organismo provincial, a través do INLUDES, destinou nos últimos dous anos 1,4 millóns de euros a axudas para este colectivo. Neste senso, a responsable da Área de Promoción Económica e Emprego indicou que “con esta iniciativa convertémonos na única Deputación de España que puxo en marcha un programa de apoio directo ós autónomos, destinado a pagar os seus gastos correntes e a xestionar mellor o seu negocio”.
En total, 1.200 empresarios se beneficiaron destas axudas, “polo que a Deputación ten un firme compromiso con este colectivo”. Lara Méndez tamén citou outra das medidas estratéxicas que puxo en marcha o organismo provincial destinadas a impulsar este sector. Trátase de Lugo Compite +, un novidoso programa anti-crise impulsado polo organismo provincial e para o que se cubriron as prazas en tan só catro días. A iniciativa, sufragada ó cen por cen pola Deputación de Lugo, polo tanto con custe cero para as empresas participantes, axudoulles ás empresas participantes a afianzarse de forma máis práctica e profesional.
A base da economía provincia
No acto no que tamén participaron o Alcalde de Lugo, José López Orozco, o Subdelegado do Goberno, José Vázquez Portomeñe, e a Delegada Territorial da Xunta, Raquel Arias, Lara Méndez lembrou o Instituto de Desenvolvemento Económico e Social vén de presentar o programa formativo co que se insertará a 540 desempregados nas profesións con máis futuro da provincia, e que se inclúe dentro do proxecto europeo Pacto Provincial polo Emprego, dotado con 3,4 millóns de euros.
Para a posta en marcha destes cursos elaborouse unha ampla diagnose sobre o emprego na provincia e que revela que este colectivo segue sendo o que sustenta a economía provincial. Segundo este estudo, en Lugo existen 6.600 autónomos, que representan o 65% da base empresarial de Lugo. “Isto obriga a que, en momentos de crise como os actuais, as administracións teñamos que desenvolver medidas e axudas destinadas a potenciar a economía das provincias, así como o seu tecido empresarial”.
Por sectores, estes distribúense do seguinte xeito: comercio 3.098; hostalería 1.590; industria manufactureira 810; actividades culturais e deportivas 557; construción: 221; transporte: 109; e o resto: agricultura, enerxía eléctrica, educación, actividades sanitarias. Só un 0,14% das empresas factura máis de 60 millóns de euros ó ano.
“Con estas actuacións, a Deputación demostra que está cos autónomos da provincia e non elude a súa responsabilidade como administración ó servizo dos Concellos e dos cidadáns de Lugo, senón que suma esforzos co obxectivo de garantir a estabilidade económica e o emprego dos veciños e veciñas desta provincia”, destacou Lara Méndez.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
