A Deputación investirá máis de 3,5 millóns de euros en obras no Plan de Comunidades Veciñais

LUGO .- A Xunta de Goberno da Deputación aprobou este venres as actuacións que o organismo provincial acometerá nos 67 municipios da provincia dentro do Plan de Comunidades Veciñais de 2010. A través desta iniciativa executaranse este ano obras por valor de 3.534.536 euros, dos que a Deputación subvenciona 2.300.000 euros, é dicir, o 65,07% do orzamento total. O voceiro provincial socialista, Antonio Gato Soengas, subliñou que desta liña de cooperación beneficiaranse preto de 300 entidades asociativas, concretamente, 298, 3 máis que en 2009, “polo que houbo que ver cada un dos expedentes para tratalos co máximo rigor posible. Esta é unha iniciativa que mellora as economías locais, xa que está destinada ás parroquias dos Concellos”.

En total, recibíronse 613 solicitudes, 14 máis que en 2009, pertencentes a todos os Concellos da provincia, agás o de Rábade que non presentou ningunha, e suman 5.320.000 euros. Gato Soengas, subliñou que “este plan foi aprobado pola Comisión de Avaliación na que participou o Partido Popular. Dende que este equipo de goberno entrou na Deputación, por primeira vez a oposición ten a oportunidade de tomar parte na valoración, co que garantimos a transparencia na xestión das obras. Ademais, agora as asociacións cóbrannas rapidamente, dende o momento que as xustifican”.

Neste senso, o voceiro provincial socialista destacou que a través deste plan subvenciónanse pequenas obras que os Concellos non poderían acometer sen a colaboración da Deputación, como por exemplo: pequenos abastecementos de auga potable, saneamentos e pavimentacións, rede de sumidoiros, alumeado público ou acondicionamento de camiños rurais.

Un 4,5% máis que en 2009

A convocatorias destas subvencións fíxose en réxime de concurrencia competitiva. Este ano o Plan conta con 100.000 euros máis, é dicir, aumenta un 4,5% con respecto ó de 2009, polo que a Deputación fixo un esforzo inversor neste eido para aumentar a cooperación cos municipios da provincia.

As axudas que concede a Deputación para calquera das actuacións non supera os 12.000 euros, é dicir, o 75% do importe total da obra, de xeito que o 25% restante é aportado polos colectivos veciñais. Esta iniciativa súmase a outras que o organismo provincial puxo en marcha como o Plan de Pequenas Infraestruturas para Concellos de menos de 5.000 habitantes no que este ano se invisten 800.000 euros e do que se están a beneficiar 41 municipios.

Precisamente, a Xunta de Goberno deu o visto e prace a 11 contas xustificativas do Plan de Comunidades Veciñais de 2009, “cuxas obras serán pagadas todas este ano”. Suman 92.726 euros e a Deputación aporta 63.458. Pertencen ós Concellos de Abadín, Cervantes, Bóveda, Cospeito, O Páramo, A Pontenova, Samos e Ribas de Sil (4).

Outros acordos da Xunta de Goberno

Na sesión de hoxe tamén se aprobou a contratación da obra de abastecemento ó polígono insdustrial dos Acivros, de Chantada. Esta actuación inclúese dentro do POS 2010 de Chantada e conta cun investimento de 182.797 euros. Ademais desta actuación, a Deputación acometeu a reurbanización do polígono e, a través da Sociedade Urbanística Provincial –SUPLUSA-, licitou as obras para a ampliación deste parque industrial, que conta cun investimento de 2.830.000 euros. A superficie incrementarase en 117.778 metros cadrados.

Asimesmo, declarouse deserta a contratación da subministración de enerxía eléctrica para os Concellos da provincia e a Deputación, así como os pregos para a adxudicación do gasto. Gato Soengas explicou que “isto débese a que recibimos unha única oferta de EON España, empresa que presentou unha proposta que só se limitou ós prezos de mercado. A partir de agora, levarase a cabo outro concurso mediante procedemento aberto negociado e sen publicidade, no que invitaremos a todas as empresas do sector”.

En total contrataranse 5.294 expedentes de enerxía extendidos entre a Deputación e os preto de 50 municipios interesados nesta liña de Cooperación. O consumo anual que vai ser obxecto do contrato supera os 48 millóns de quilovatios hora e a potencia sitúase en máis de 31.600 quilovatios. Deste xeito convertirémonos no segundo cliente de sumbinistración eléctrica da provincia de Lugo. Vai servir de paradigma para outras Deputacións de Galicia e do propio país. “Este servizo permitirá un prezo máis económico que o actual e suporá un aforro significativo na factura de cada municipio”, concluiu o Deputado de Cooperación cos Concellos.

Éxito do programa formativo para parados

A Deputación presentou este luns o programa formativo a través do cal se insertará a 540 desempregados da provincia nos campos laborais onde realmente hai futuro, dentro do proxecto europeo Pacto Provincial polo Emprego, dotado con 3,4 millóns de euros e co-financiado nun 80% polo Fondo Social Europeo. Gato Soengas subliñou que tan só catro días despois o éxito foi total. Recibíronse 50 visitas ó INLUDES co fin de recibir información sobre os cursos, 380 chamadas de teléfono solicitando información, 20 consultas a través de correos electrónicos. Asimesmo, tamén se puxo en contacto co INLUDES un grupo de traballo de asociacións que traballan na inserción sociolaboral de persoas, e os Concellos que máis demanda presentaron foron os da Mariña, principalmente os de Ribadeo e Cervo.

En total, serán 45 accións formativas con 15.000 horas de docencia e máis de 60.000 prácticas en empresas vinculadas coas profesións de futuro, e que están relacionadas coas áreas: sociosanitaria, hostalería, turismo, industria manufactureira e agroalimentarias, e sector forestal.

As persoas que cumpran as características poderán realizar a inscrición ata o 15 de setembro, de 8:00 a 15:00 horas, chamando o teléfono do INLUDES 982 265 334 e no correo electrónico: pactoemprego@deputacionlugo.org.

ÁREA DE COOPERACIÓN
E ASISTENCIA AOS CONCELLOS

UNIDADE DE PLANS
ESPECIAIS

ANUNCIO DE CONCESIÓN
DE SUBVENCIÓNS EN RÉXIME DE CONCURRENCIA COMPETITIVA A ENTIDADES ASOCIATIVAS,
AGRUPACIÓNS E ASOCIACIÓNS DE VECIÑOS PARA A REALIZACIÓN DE OBRAS
E ESTABLECEMENTO, AMPLIACIÓN E MELLORA DE SERVIZOS DE INTERESE VECIÑAL
– ANO 2010.

De conformidade co
artigo 18 da Lei 38/2003, de 17 de novembro, Xeral de subvencións,
e co artigo 17 da Lei 9/2007, de 13 de xuño, de subvencións de Galicia,
se dá publicidade ás subvencións concedidas por acordo da Xunta
de Goberno da Deputación Provincial de data 23 de xullo de 2010.