A MARIÑA .- O festival da asociación cultural O Milleiro en Ourol, a Foliada de Xove e o XI Festival Aires do Masma en Foz son algunhas das actividades que se celebraron este sábado co apoio a Área de Cultura da Deputación que dirixe o nacionalista Antonio Veiga. O obxectivo primordial da Área de Cultura ao dar apoio a estas actividades é manter viva a tradición folclórica galega e promocionar aos grupos e asociacións que traballan pola súa posta en valor, segundo asegura.
Nota de Prensa
O DELEGADO DE CULTURA DA DEPUTACIÓN ASISTIU A ALGÚNS FESTIVAIS TRADICIONAIS QUE SE CELEBRARON HOXE NA MARIÑA
O festival da asociación cultural O Milleiro en Ourol, a Foliada de Xove e o XI Festival Aires do Masma en Foz son algunhas das actividades que se celebraron este sábado e que apoia a Área de Cultura da Deputación
A MARIÑA, 17 de xullo de 2010. O delegado de Cultura da Deputación de Lugo, o nacionalista Antonio Veiga, visitou esta tarde varios concellos mariñaos nos que se celebraron festivais coa tradición como protagonista: o festival da asociación cultural O Milleiro en Ourol, onde tamén actuou pola mañá a banda de música de Viveiro, a Foliada de Xove e o XI Festival Aires do Masma en Foz.
O obxectivo primordial da Área de Cultura ao dar apoio a estas actividades é manter viva a tradición folclórica galega e promocionar aos grupos e asociacións que traballan pola súa posta en valor organizando festivais folclóricos que contribúan á recuperación de músicas, cantos e bailes, e á difusión da cultura galega. Antonio Veiga realizou estas visitas co ánimo de comprobar o éxito que teñen estes eventos, e felicitou ás organizacións e participantes polo bo traballo que están a facer.
A asociación cultural O Milleiro de Ourol, con pouco máis dun ano de vida trala súa presentación, está a colaborar activamente na vida cultural da zona con actividades como a organización deste festival tradicional. En Xove celébrase a VI Foliada da Mariña, comezando pola mañá e con varias actividades ao longo do día ao igual que outros anos. O XI Festival Aires do Masma tivo lugar ás 22:00 horas en Foz, e este ano participaron o grupo Coros e Danzas do Real Grupo Cultural Covadonga de Xixón e a Asociación Música e Folclore de Magallón (Zaragoza), ademais da asociación Folclórico-Cultural a Subela de Foz que organiza o evento tódolos anos durante as festas patronais en honor á virxe do Carme.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
