BARREIROS (FNC) .- Eido Dourado estrea o vindeiro xoves as visitas guiadas a partires das sete da tarde, segundo ven de anunciar o artista barreirense Celso Dourado. Ademáis fai un balance moi positivo da acollida que está a ter a segunda tempada deste espazo adicado ao arte.
Celso Dourado di que “o balance é moi positivo pensando e concebindo que é unha historia difícil de encaixar a nivel turístico, pero estáse a facer xa un nome no entorno das praias barreirenses e tamén da praia das Catedrais. Cada vez acode máis xente e estamos a ver que moitas persoas que pasaron por aquí na primeira tempada do Eido Dourado están a repetir con máis xente. Esto indica que se está a converter nun punto de referencia cultural”.
Son moitos tamén os extranxeiros que se achegan a estas instalacións. O artista conta que “tiven a sorte de que distintas publicacións vinculadas ao turismo estiveron a meter o Eido Dourado nas súas reseñas e iso estáme a permitir unha afluencia de xente prefigurada. Nesta segunda tempada está a vir unha grande cantidade de público holandés pola proximidade dos campigns, pero ao mesmo tempo porque o noso espazo saiu nunha publicación de viaxes de Holanda, algo que tivo certa influencia entre o público holandés que pasa por aquí”. Para os que repiten visita ao Eido Dourado, aquí vai algún consello do autor “houbo unha serie de intervencións novidosas no xardín xogando coa auga e ao mesmo tempo unha aportación a nivel expositivo cun par de series de cadros novas e unha tipoloxía de pintura fundamentada na cor. Eu era sempre partidario de que a liña predominara sobre a cor e agora cada máis aflúe a cor na miña obra”.
O Eido Dourado estreará as visitas guiadas o vindeiro xoves 22 de xullo, “as persoas que queiran acudir cunha visita guiada, cunha explicación do autor tanto da obra pictórica como do resto do conxunto arquitectónico poden solicitala no Eido Dourado ou chamando por teléfono ao 982 12 44 51. Serán os xoves ás sete da tarde, considero que é unha hora prudente para visitar a exposición e para que leven a idea de cómo resolvo a miña obra tanto técnica como tematicamente”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
