Nota de Prensa
A EXECUTIVA COMARCAL DO BNG DE LUGO CRITICA O DESMANTELAMENTO DE CICLOS DE FORMACIÓN PROFESIONAL QUE ESTÁ A LEVAR A CABO A XUNTA
A formación nacionalista cre que se está a producir a maior regresión na oferta educativa que se ten producido en Lugo en décadas, xa que eliminan 8 ciclos completos de formación profesional e 20 módulos, deixando Lugo sen formación profesional en áreas coma o turismo ou o transporte
Para o BNG, isto manifesta claramente a forma de facer política do PP: menos diñeiro en ensino público e máis gasto no ensino privado
Lugo, 12 de xullo de 2010. A Executiva Comarcal do BNG de Lugo fixo públicas hoxe as súas críticas á política educativa do PP na Xunta de Galiza xa que considera que a eliminación de Ciclos de Formación Profesional en Institutos de Lugo é a máis grave redución educativa que se ten producido en Lugo en décadas. Segundo defende o BNG da comarca de Lugo, esta redución histórica supón deixar aos lucenses sen posibilidades de acceder a estudos importantes para a formación en materia laboral. Para a organización nacionalista, isto manifesta a maneira de actuar e facer política do PP: menos formación,máis desemprego, menos diñeiro para o ensino público e máis gasto no ensino privado.
A Consellaría de Educación vén de publicar a Orde de 11 de xuño de 2010 de actualización da oferta educativa dos ciclos formativos de formación profesional polo réxime ordinario, por curso completo en modalidade presencial, a partir do curso 2010-2011, en centros públicos da Comunidade Autónoma de Galiza.Nesa Orde, a Xunta do PP decidiu eliminar diversos ciclos formativos dos que se viñan impartindo até agora, e en concreto, suprimiu oito ciclos superiores e medios nos IES de Becerreá, Burela, Foz, Lugo (2), Monforte de Lemos e Viveiro, así como 20 módulos de diferentes ciclos de grado medio e superior.
Esta decisión implica laminar a oferta educativa de ciclos nas comarcas de Lugo, provocando en primeiro lugar unha redución das posibilidades de acceso a estudos que se caracterizan por un alto grao de posibilidades e inserción laboral. Por outro lado, esta redución histórica significa o desprazamento e o éxodo educativo de moito alumnado que terá que marchar da súa casa para buscar noutras comarcas onde cursar estudos de Formación profesional. Moitas ramas profesionais como a do transporte ou a do turismo quedan sen ciclos en Lugo ao eliminárense os ciclos superiores de Xestión do Transporte no IES As Mercedes de Lugo e o CS de Información e Comercialización Turística no Río Cabe de Monforte, co cal aqueles que desexen cursalas terán que desprazarse a outras provincias.
Ademais, nunha das disposicións introducidas nesta orde, eleva de 8 a 12 o número mínimo de solicitudes de matrícula admitidas por cada centro educativo nas cidades, e de 6 a 8 as solicitudes en cada centro do resto de Galiza, para cada un dos ciclos formativos de grao medio ou superior. Segundo a orde, un número menor de solicitudes esixe a autorización expresa da Dirección Xeral de Educación, Formación Profesional e Innovación Educativa para pór en funcionamento esta ensinanza, e mentres que non se dispoña desta autorización, non se poderá formalizar matrícula ningunha. En consecuencia, non parece previsíbel que ningún alumno/a opte por facer a solicitude de matrícula nun ciclo do que non ten seguridade que se vai impartir. Tal decisión ten aínda unha repercusión maior, dado que se trata de concellos pertencentes ao rural, nos que se está a producir unha forte perda de poboación, cuestión que a Administración debe ter en conta á hora do mantemento do servizos públicos básicos.
Polo exposto, a executiva comarcal do BNG de Lugo, esixe á Xunta de Galiza, nomeadamente á súa Consellería de Educación, que manteña a oferta educativa vixente no ano 2009, que inclúe a non supresión dos oito ciclos e 20 módulos dos IES lucenses, e ao mantemento da oferta nos ciclos formativos polo réxime ordinario e a oferta modular de persoas adultas en todos os centros de ensino da provincia de Lugo, garantindo ademais que o número mínimo para a continuidade dos ciclos formativos sexa de 6 alumnos/as.
Ademais, desde o BNG instouse á Consellería de Educación a que amplíe o prazo de matrícula para os ciclos formativos ata o mes de setembro coa finalidade de darlle a posibilidade de matricularse a aquel alumnado de Bacharelato que esgote as probas extraordinarias de setembro ou que non superase as probas de selectividade.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
