O BNG RECLAMA UNHA OFICINA DA SEGURIDADE SOCIAL EN FOZ
Para realizar trámites como a tarxeta sanitaria os veciños teñen que desprazarse a Ribadeo, Mondoñedo ou Viveiro
Foz, 27 de xullo de 2010.- O BNG de Foz reclama para Foz unha oficina da Seguridade Social para sacar a tarxeta sanitaria ou calquera outro trámite administrativo que se teña que realizar neste organismo por parte dos veciños e veciñas do Concello.
O portavoz municipal do BNG, Xan Carlos González Basanta, considera unha discriminación fóra de lugar que os veciños de Foz teñan que desprazarse máis de cincuenta quilómetros para realizar trámites que poderían facerse no propio concello e de forma inmediata. Segundo os datos manexados as persoas que anualmente se ven prexudicadas por esta situación podémolas cifrar en preto de mil. Estamos a falar de trámites como a solicitude da tarxeta sanitaria tanto para os novos usuarios (recen nacidos que teñen que incluírse na dos pais) como para aquelas persoas que cambian de réxime de seguridade social como os que se dan de alta ou baixa por acceso a un emprego, pensionistas ou viúvas que teñen que facer unha nova tarxeta. Pero tamén falamos de trámites que antes podían facerse en Foz como a solicitude da vida laboral que che daban no momento sen ter que desprazarte ou esperar máis de cinco días a que cha envíen, ou calquera outro trámite sobre afiliación, cotización e prestacións que teñan que ver coa seguridade social. Desde o BNG vemos incomprensible que tendo xa unha oficina da Seguridade Social na Casa do Mar non se poidan facer este tipo de xestións ou que alomenos non se habilite algún día do mes para facelas.
Segundo Basanta “é unha vergoña que Foz sexa nestes momentos un concello cunha falta de servizos públicos enorme, debido nin máis nin menos á falta de preocupación e de xestión por parte do actual goberno municipal de manter e traer novos servizos para Foz”. Sen ir máis lonxe, en Ribadeo por exemplo, aínda non tendo algúns servizos, o Concello conseguiu que para tramitar o carné de identidade ou facer a declaración da renda se despracen ata alí varias veces ao mes. Pero tamén son culpables as administracións galega e estatal que promoven unha política centralizadora e que está afastando cada vez máis os servizos dos administrados cos inconvenientes e gastos que esto supón.
Desde o BNG estamos convencidos que Foz non merece gobernantes que só se preocupan de ir de “supermans” diante da opinión pública cando os auténticos “supermans” son os veciños de Foz que para todo teñen que desprazarse máis de 50 quilómetros e soportar todo tipo de incomodidades e gastos para realizar simples trámites administrativos. Por iso, esiximos do grupo de goberno municipal que se poña mans a obra en conseguir a oficina da Seguridade Social para Foz tan demandada polos veciños e que tanto se necesita.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
