Nota de Prensa
O deputado xestionou e participou nunha xuntanza co Patrón Maior da Confraría de Burela e o xerente e presidente da empresa ABSA, na que Isabel Vila Barbosa, directora xeral de Infraestruturas deu conta das previsións do Goberno galego ao respecto desta obra de interese estratéxico
A XUNTA CONFÍRMALLE A JOSÉ MANUEL BALSEIRO O DESBLOQUEO DAS OBRAS DO ACCESO AO PORTO DE BURELA, QUE ESTARÁN REMATADAS EN 2012
* Unha vez resolto o proceso xudicial, a Xunta aprobará o novo proxecto este mes, someterao a exposición pública e a principios do 2011 iniciará as súas obras que teñen un prazo de execución previsto de 12 meses.
* Balseiro salientou a importancia desta nova estrada que permitirá que todos os vehículos pesados que hoxe se ven obrigados a pasar polo centro desta vila acceder directamente ata o peirao pesqueiro e comercial.
Santiago, 7 de xullo de 2010.- O deputado popular José Manuel Balseiro Orol participou nunha xuntanza que mantiveron o xerente e o presidente da empresa Armadores de Burela (ABSA) e o Patrón Maior da Confraría de Pescadores con Isabel Vila Barbosa, directora xeral de Infraestruturas, na que se deu conta das previsións do Goberno galego ao respecto do desbloqueo dunha actuación de interese estratéxico para esta localidade como é o acceso ao porto pesqueiro.
No encontro, a Xunta confirmou que unha vez superados os atrancos para levar adiante esta actuación, o Goberno galego ten previsto iniciar as obras a principios do ano que vén e executalas nun prazo máximo de 12 meses o que suporía que estarían rematadas e en servizo no 2012. A Xunta explicou que xa está resolto o proceso xudicial que mantiña paralizada esta infraestrutura. Agora a finais deste mes rematarase o novo proxecto desta estrada –que foi modificado para que esta discorra por baixo da vía de FEVE-, que pasará a exposición pública para o trámite de alegacións.
Balseiro salientou a importancia deste novo acceso ao porto de Burela que permitirá que todos os vehículos pesados e transportes de mercadorías que hoxe se ven obrigados a pasar polo centro desta vila, poidan evitar o actual itinerario empregando a nova estrada e acceder directamente ata o peirao pesqueiro e comercial.
A xuntanza, que foi xestionada polo deputado Balseiro a petición de ABSA e a Confraría de Pescadores tamén estivo presente o subdirector xeral de Estradas da Xunta, Luis Miguél Muñoz.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
