Nota de Prensa
Emprázalle a que fale cos veciños, usuarios do porto e comerciantes para que coñeza as súas verdadeiras necesidades e non faga caso da información que lle transmiten desde o equipo de Goberno
Balseiro afirma que Rego está “fóra de onda” cando defende a postura da Alcaldía en relación co porto de Viveiro
* O deputado popular considera un erro que o PSOE converta esta cuestión unha loita partidista e afirma que o mellor sería emprazar a Costas e a Portos de Galicia a acordar unha solución conxunta que de verdade satisfaga os intereses dos viveirenses.
Cervo, 08 de xullo de 2010.- O deputado do Grupo Parlamentario Popular, Jose Manuel Balseiro, afirmou que Ismael Rego está “fora de onda” cando defende a postura da Alcaldía en relación co proxecto de supresión do porto de Viveiro e emprázalle a que fale cos veciños, usuarios destas instalacións, representantes do sector pesqueiro e asociación de comerciantes –tal e como fixo o Presidente de Portos de Galicia- para que coñeza as súas verdadeiras necesidades que distan moito -“nada teñen que ver”- coa información que lle transmiten desde o Equipo de Goberno municipal.
O deputado popular explicou que o proxecto que Costas quere desenvolver no espazo comprendido entre a ponte de Misericordia e o porto deportivo pretende impoñerse por parte do Estado pese a que estes terreos non son da súa competencia e non responde axeitadamente as peticións e necesidades dos veciños deste concello. Balseiro está convencido do errado proceder do PSOE que quere converter esta cuestión nunha loita partidista e afirma que sería moito máis correcto e construtivo se emprazara a Costas a negociar con Portos de Galicia e buscar unha solución axeitada e común que satisfaga todos os intereses e, principalmente, os de os propios veciños de Viveiro.
O deputado popular asegura que en toda esta cuestión é certo que existen intereses persoais e políticos: Persoais, daqueles que traballan para que Viveiro progrese, “non precisamente desde a Alcaldía” e políticos, “de partidos –como o PP- que se preocupan por facer un bo uso destas instalacións, con espazos e servizos que de verdade satisfagan os intereses das e dos viveirenses”.
Finalmente Balseiro amosou a súa sorpresa porque o Goberno central se empecine en desenvolver en terreos que non son da súa competencia determinadas actuacións mentres que noutros espazos que si son da súa total responsabilidade, como son a maioría das praias da Mariña, non están a executar as actuacións que precisan, e que permitirían corrixir os estragos provocados polas últimas riadas. “Claro que desto, non di nada o señor Rego”-conclúe.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
