A MARIÑA .- A Mancomunidade de Municipios de A Mariña, que preside o alcalde de Barreiros, Alfonso Fuente Parga, solicita a creación dunha comisión, que integre a todas as administracións implicadas nos traballos de recuperación tras o último temporal. A Xunta de Galicia asegura estar disposta a coordinarse coas outras administracións para afrontar os danos ocasionados polas inundacións do pasado mes de xuño.
Nota de Prensa
A XUNTA REITERA OS SEU CHAMAMENTO A OUTRAS ADMINISTRACIÓNS PARA COORDINARSE E AXILIZAR A REPARACIÓN DOS DANOS DAS RIADAS DA MARIÑA
* O presidente da Mancomunidade da Mariña tamén solicitou a creación dunha comisión conxunta para abordar canto antes os traballos pendentes
Lugo, 2 de agosto de 2010.- A Xunta de Galicia reitera a súa disposición a coordinarse coas outras administracións para optimizar os recursos e axilizar a reparación dos danos ocasionados polas inundacións do pasado mes de xuño na Mariña lucense.
A Xunta responde así a o requirimento realizado pola Mancomunidade de Municipios da Mariña, que a través dun carta remitida polo seu máximo representante, Alfonso Fuente Parga, se dirixiu ao presidente da Xunta para solicitar a creación dunha comisión que integrara a todas as administracións implicadas nos traballos de recuperación tras as riadas.
Ante esta petición, trasladada á súa vez ao conselleiro de Presidencia, Alfonso Rueda, a Xunta lembrou que foi a primeira institución en suxerir a necesidade de coordinar as actuacións entre administracións, e en facer un chamamento neste sentido á Deputación Provincial e á Delegación do Goberno, que rexeitaron a proposta.
A Xunta segue a considerar que esta cooperación redundaría nunha economía de medios e de tempo para afrontar as obras pendentes, isto é, nunha maior eficiencia que en definitiva beneficiaría aos veciños da Mariña. Polo tanto, mantén a súa disposición a crear esta comisión que solicita a Mancomunidade de Municipios da Mariña.
Non obstante, a Xunta despregou dende o primeiro momento diversas medidas, no marco das súas competencias, para minimizar no posible os efectos prexudiciais das inundacións, máxime tendo en conta que ocorreron ás portas da tempada alta do turismo.
Así, o Executivo galego inviste preto de catro millóns de euros en obras de infraestrutura -que afectan principalmente a estradas e pontes e aos leitos dos ríos que discorren pola Mariña lucense- e en axudas para os veciños que se viran afectados pola perda de enxoval doméstico ou destrozos sufridos en vivendas. Igualmente, o Ente Público de Obras e Servizos Hidráulicos (EPOSH) inviste 1.510.978 euros en actuacións directas de emerxencia de inmediata execución para resolver incidencias.
Pola súa banda, a Consellería de Economía e Industria, a través da Dirección Xeral de Comercio, destina 200.000 euros á concesión de axudas para danos nos establecementos comerciais e infraestruturas enerxéticas de titularidade municipal provocadas polo temporal. Deste xeito, o Executivo galego da cobertura tamén aos problemas xerados no ámbito do sector do comercio retallista e demais sectores mercantís.
Do mesmo xeito, a través da Consellería de Cultura e Turismo, os establecementos turísticos da zona recibirán axudas para sufragar os danos causados polas riadas. Para esta liña, a Xunta aprobou destinar unha partida inicial de 200.000 euros.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
