Os mariñás estamos de noraboa. O remate dos traballos na Transcantábrica para 2012 incrementará sen ningunha dúbida as posibilidades económicas da nosa Comarca. O esforzo inversor do Goberno Central nesta infraestrutura malia as dificultades económicas amosan a responsabilidade dun Ministro de Fomento comprometido coa provincia de Lugo. Este é ademais o mellor exemplo de que no PSOE non só gobernamos distintos senón mellor.
Lembrarán aquela manifestación no Vicedo, alá por febreiro de 2008, cando o Partido Popular en Lugo izaba bandeiras esixindo que a vía Ferrol-San Cibrao estivese rematada en 2011. Por aquel entón, o Executivo de Emilio Pérez Touriño prevía finalizar cos traballos desta vital infraestrutura para a Mariña no 2013. Hoxe, no PP lucense ninguén fala da VAC xa que, dende que este partido chegou á Xunta, a Vía de Alta Capacidade retrasouse ó 2017 quedando demostrado que o Partido Popular só esixe o compromiso do resto das administracións cando son eles os que non cumpren. Os prexudicados somos todos os mariñás porque, coa posta en marcha da autovía do Cantábrico en 2012, a Mariña quedará dividida en dúas durante 5 anos, o tempo a maiores que tardará o Goberno galego en facer da VAC unha realidade.
Insisto, gobernamos distinto e mellor. Por iso, nos últimos días na Deputación lucense vimos de tramitar obras na Mariña por valor de 1.250.000 euros. Deste xeito, nun mes comezaremos a executar en Viveiro actuacións en prol da mellora dos servizos ós viveirenses que permitirán, xa no mes de marzo, ter acondicionada a antiga casa Calvo Sotelo ou o Conservatorio de Musica Municipal, ademais de dispor dun campo de fútbol en Lavandeiras, dunha óptima rede de sumidoiros nos lugares de Pallaregas-Covas e Galdo, duns excelentes servizos urbanos dende Xunqueiras a Magazos, ou da desexada urbanización e rexeneración do Celeiriño.
Gobernamos distinto, mellor e sen facer distincións en canto a cor política porque, ó igual que levamos a cabo estes traballos en Viveiro, temos asinado un convenio coa Xunta para proxectos de urbanización, abastecemento e saneamento no Concello de Barreiros. Nós cumprimos coa palabra e facemos os deberes. Por iso, tal e como se recolle neste documento, dende o organismo provincial xa temos asinada unha partida orzamentaria de máis de 1,2 millóns de euros para levar a cabo estas actuacións que aínda non teñen data ante a pasividade do Goberno galego. Unha vez máis os prexudicamos somos os veciños da Mariña xa que, de non levarse a cabo estas actuacións, a nosa Comarca sufrirá graves problemas económicos coa perda de centos e centos de postos de traballo.
Mentres, nós non nos quedaremos parados e seguiremos investindo na Mariña, unha Comarca que para algúns parecer non existir pero que a Deputación ten moi presente. Proba diso son os máis de 20 millóns que achegamos para mellorar ás comunicacións, dotar de servizo contraincendios, converter a costa lucense na 3º de España con máis praias certificadas medioambientalmente…, máis outras moitas actuacións nas que xa estamos traballando para construír a Mariña do futuro.
Lara Méndez
Vicepresidenta Segunda da Deputación
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
