NOTA DE PRENSA:
A FORMACIÓN DO ISSGA CONTARÁ CO AVAL DA FUNDACIÓN LABORAL DA CONSTRUCIÓN DE GALICIA DE CARA A OBTER A TARXETA PROFESIONAL
* A directora do Instituto Galego de Seguridade e Saúde Laboral (ISSGA) e o presidente da Fundación Laboral da Construción de Galicia (FLC) veñen hoxe de asinar un convenio de colaboración en Lugo
* A formación que imparta o ISSGA, tanto a traballadores como a desempregados do sector da construción, será recoñecida para a posterior obtención da Tarxeta Profesional da Construción
* A iniciativa enmárcase no Plan de Actividades 2010 da Xunta para a mellora das condicións de seguridade e saúde laboral e a redución dos riscos laborais
Lugo, 24 de agosto de 2010.- A directora do Instituto Galego de Seguridade e Saúde Laboral (ISSGA), Adela Quinzá-Torroja García, e o presidente da Fundación Laboral da Construción de Galicia (FLC), Hipólito Trinidad Losada, acompañados da delegada da Xunta en Lugo, Raquel Arias, asinaron hoxe na delegación da Xunta en Lugo un convenio de colaboración para o recoñecemento da formación preventiva impartida polo ISSGA a efectos da obtención da Tarxeta Profesional da Construción.
A Tarxeta Profesional da Construción (TPC) é o documento expedido pola FLC co obxectivo de acreditar, entre outros datos, a formación específica recibida do sector polo traballador en materia de prevención de riscos laborais, así como a categoría profesional do traballador e os períodos de ocupación nas distintas empresas nas que vaia exercendo a súa actividade.
De conformidade co convenio asinado hoxe, a formación que imparta o ISSGA a traballadores ou desempregados do sector da construción en materia de prevención de riscos laborais será recoñecida pola Fundación Laboral da Construción aos efectos da obtención por parte dos alumnos da Tarxeta Profesional da Construción.
A mesma axustarase ás condicións establecidas no Libro II do IV Convenio Colectivo Xeral do Sector da Construción respecto da obriga de formación en materia de prevención de riscos laborais e da TPC.
Este convenio de colaboración enmárcase ao abeiro do Plan de Actividades 2010 do ISSGA para a mellora das condicións de seguridade e saúde laboral e a redución de riscos laborais, en accións dirixidas á construción, que constitúe o sector co maior índice de incidencia de accidentes.
No ano 2009 producíronse 8.416 accidentes leves (o 97,93% do total); 154 graves (o 1,79% do total) e 24 accidentes mortais (0,28% do total). No primeiro semestre deste ano o número total de accidentes ocorridos no sector foi de 3.806 (dos que 73 foros graves e 7 mortais).
Na sinatura deste convenio estiveron presentes tamén os vicepresidentes da FLB, Jesús Varela Lodeiro e Manuel García González.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
