Nota de prensa:
Basanta solicita a Borobio unha explicación xa sobre o Planeamento utilizado senón o BNG pedirá a comparecencia do Conselleiro no Parlamento
O POL deixa fóra de ordenación en Foz preto de 3.000 vivendas
Foz, 24 de agosto de 2010.- Xoán Carlos González Basanta solicitou hoxe que o que o Director Xeral de Substentabilidade debe explicar con carácter de urxencia as razóns que levaron a Xunta de Galiza a tomar como referencia para elaborar o Plano de Ordenación de Litoral no Concello de Foz un Planeamento que non se corresponde co actualmente en vigor, isto é o recollido nas Normas Subsidiarias aprobadas no 81 e modificadas no 90 para a súa adecuación a LASGA e que foi aprobada pola comisión provincial de Urbanismo. Basanta lembrou que “nas xuntanzas que mantivemos con Borobio os membros da Corporación focega este comprometeuse a recoñecer as bolsas de solo de núcleo rural que estiveran acreditadas no Planeamento e agora nos encontramos que no conxunto do Concello de Foz non existe nin unha bolsa só dese tipo de solo algo que acontece na totalidade dos Concellos de Galiza que procedeu a delimitar os seus núcleos”.
O Portavoz Nacionalista non dubidou en afirmar que Foz é o Concello de toda Galiza onde máis incidencia ten o Pol precisamente polo feito de utilizar un planeamento para definir o modelo de xestión do POL que non se sabe de onde sae. “Tanto é así que o POL deixa fora de ordenación máis de 3000 vivendas no Concello de Foz, que se corresponden coa residencia habitual de preto de 5000 persoas. Isto é a totalidade das vivendas situadas nos núcleos de Cangas, Nois, Fazouro, Forxán, Pradera, Mañente, Vilaronte e San Martiño quedan fóra de ordenación e non só iso senón que os predios situados no solo de núcleo rural que na lexislación galega se asimila ao urbano consolidado non teñen autorizados usos residenciais. Non hai un só veciño que residan ou teñan propiedade neses núcleos que non se vexan afectados polo mesmo” afirmou Basanta.
O dirixente do BNG de Foz considerou esta situación como “o máis sublime absurdo” ate o punto de que “Nois é recollido como núcleo de identidade litoral porén todo o solo que existe na parroquia é considerado como rústico de protección ordinario que todos sabemos esta inabilitado para calquera uso residencial. Ou o mesmo acontece co Parque Empresarial desenvolto a través dun Plano Parcial aprobado ao abeiro da Lei do 97 sen embargo agora a propia Xunta considérao como urbanizábel non delimitado , situando tamén nunha situación de alegalidade todas as empresas que están situados ao igual que as empresas e talleres existentes na área de Forxán. Non pode ser que até hoxe se estivesen concedendo licencias en solo considerado de núcleo rural, de cuxo coñecemento sabía a Xunta e agora a xunta nos diga que en Foz non hai solo de núcleo rural”.
Xa por último o Portavoz do BNG en Foz advertiu que “no caso de que a Xunta non de unha explicación xa procederan a solicitar a comparecencia do Conselleiro Hernández para que explique as razóns que levaron para elaborar o POL en Foz un Planeamento que non existe. Non pode ser que diante da situación de inseguridade xurídica e da intranquilidade que existe entre os veciños que xa viron a cartografía do POL aquí ninguén explique nada. Nos imos presentar as nosas alegacións, agora ben estas pasan porque se recoñeza a realidade fáctica da clasificación do solo fixada no Planeamento”. Os nacionalistas lembraron que a cartografía do POL atopase na propia páxina da Consellaría se ben anunciaron que a partir do Luns da semana que ven pode consultarse no local do BNG en horario de 10:00 a 14:00 horas.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
