Nota de Prensa
O BNG DE FOZ DENUNCIA QUE O ALCALDE PAGA AS FACTURAS DO CONCELLO A QUEN QUER E CANDO QUER
O CONCELLO DE FOZ INCUMPRE A ORDE DE PRELACIÓN LEGAL NO PAGO DAS FACTURAS
INTERVENCION FISCALIZA CON DESCONFORMIDADE VARIAS FACTURAS POR ESTE MOTIVO
Foz a 27 de agosto de 2010.- O BNG denuncia que o alcalde de Foz e o seu grupo de goberno están a pagar facturas sen ningún tipo de criterio nin de orde de prioridade das mesmas como a lei esixe. Iso é o que se extrae de varios informes de Intervención sobre facturas fiscalizadas con desconformidade durante este ano.
Segundo a Lei Reguladora das Facendas Locais a expedición das ordes de pagamento haberá de acomodarse ao plan de disposición de fondos da tesourería que en todo caso deberá de recoller a prioridade dos gastos de persoal e das obrigas contraídas en exercicios anteriores. Por eso, en todos estes informes de Intervención sobre ordes de pagamento de facturas di claramente que “existen neste Concello obrigas que foron contraídas en exercicios anteriores e que se atopan pendentes de ordenar o pagamento e de pagar, situación que contravén o establecido nos artigos 187 do RD 2/2004 e 65 do RD 500/199”. Polo tanto, o alcalde e o seu grupo de goberno non están a gardar a orde rigorosa que a lei establece no pago de facturas incumprindo conscientemente os preceptos legais.
Estes feitos veñen a responder ás aclaracións que desde o BNG se lle pedían ao alcalde –e que nunca deu- sobre os criterios que se seguían por parte do goberno municipal para o pago de facturas. Agora queda claro que o pago das facturas no Concello de Foz faise sen seguir a normal e legal orde de entrada no Concello e de aprobación das mesmas, dándose o caso que existindo facturas conformadas de anos anteriores que aínda están sen pagar se pagan outras posteriores sen xustificación ningunha. É dicir, que o alcalde paga as facturas de quen lle da a gaña e cando lle da a gaña e evidencia un descontrol non só dos gastos, como xa temos denunciado, senón tamén nos pagos, como agora se comproba.
Unha vez desenmascarado, o alcalde debería de explicarlle aos veciños de Foz cales son os motivos que lle fan cometer estas irregularidades e saltar continuamente as leis así como explicarlles tamén aos acredores do Concello que aínda non se lles pagou as súas facturas porque se pagan outras moi posteriores no tempo sen ningún tipo de xustificación.
O BNG ve gravísimo que desde o goberno municipal se estea a actuar desta maneira creando agravios comparativos entre persoas e empresas ao mesmo tempo que nos preguntamos, visto o visto, se neste concello hai que ser amigo do alcalde para que se lle paguen as facturas antes cos outros. Ao mesmo tempo, pídelle ao grupo de goberno que rectifique e que pague as facturas recoñecidas e atrasadas que aínda están sen pagar antes de pagar ningunha outra.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
