Nota de Prensa
Os populares de Foz rexistraron unha moción para o seu debate no próximo Pleno ordinario, instándolle ao Ministerio de Política Territorial a que deixe sen efecto a liquidación negativa que obriga a efectuar este reintegro
O Alcalde está ausente ante un novo mazado do Goberno de Zapatero que require ao concello de Foz a devolución de preto de 193.000 euros
* García Rivera tan dado á incontinencia verbal, cala mudo, submiso e obediente ante as instrucións do partido socialista, aínda que como neste caso as imposicións do PSOE colisionen frontalmente contra os intereses dos veciños de Foz.
* Os populares emprazan ao Goberno municipal a que explique que partidas orzamentarias reducirá e que servizos municipais recortará para facer fronte á devolución dos cartos: ¿educación, benestar, deporte, limpeza, etc?
Foz, 13 de maio de 2010.- O Partido Popular de Foz, a través do seu portavoz, Pedro Fernández Manín, rexistrou unha moción para o seu debate no vindeiro Pleno ordinario de setembro, propoñendo que o pleno tome o acordo de instar ao Goberno central (Ministerio de Política Territorial) a deixar sen efecto a liquidación negativa dos orzamentos locais de 2008 pola que se obriga ao Concello de Foz á devolución ao Estado de preto de 193.000 euros.
Esta enorme cantidade de diñeiro -superior aos 32 millóns das antigas pesetas- afogaría ás xa de por si maltrechas arcas municipais moi mermadas tamén polas reducións operadas tras os recortes das transferencias procedentes do Estado, e que no 2009 contabilizaron unha perda de 147.000 euros.
ALCALDE AUSENTE
Ante esta situación os populares acusan ao Goberno municipal e, nomeadamente ao sr. Alcalde, de estar ausente, incapaz de criticar unha medida que sen dúbida repercutirá na calidade e eficiencia dos servizos públicos que presta o Concello de Foz. “Submiso e obediente ás intrucións do partido socialista, aínda que como neste caso colisionen dun xeito frontal cos intereses dos veciños de Foz, José María García Rivera cala mudo, ante o intento de Zapatero de afogar ao Concello e de facer pagar aos entes locais a súa incompetencia na xestión da crise”
ERRO DE ZAPATERO QUE PAGAN OS CONCELLOS
Fernández Manín explica que esta a obriga de devolver diñeiro ao Estado produciuse como consecuencia da falla de previsión do propio Goberno central que, empeñado en negar as consecuencias da crise económica, presentou no ano 2008 uns orzamentos cunhas previsións de ingresos que estaban moi lonxe da realidade. “Agora, no peor momento da crise económica e ó tempo que experimentan unha notable baixada dos seus ingresos, os concellos van a verse obrigados á devolución de importantes cantidades como consecuencia dos erros do goberno do Sr. Rodríguez Zapatero”.
Os populares insisten en que a reclamación efectuadas polo Goberno socialista neste momento podería poñer en risco o mantemento dos servizos públicos de titularidade local. Por iso emprazan ao Alcalde a explicar cales serán as partidas orzamentarias que se verán reducidas ante a necesidade de devolver estes cartos e, particularmente cales son os servizos que se verán recortados: “¿educación, benestar, deporte, limpeza,… que nos diga onde darán o tixeiretazo?”
GARCÍA RIVERA NON DA A TALLA
O voceiro do PP de Foz lembra finalmente que esta non é a primeira vez que o Sr. Alcalde se prega aos intereses de partido incapaz de defender aos veciños. Xa aconteceu de xeito similar cando o Grupo Socialista en Pleno, e por suposto tamén o señor Alcalde, negouse a apoiar unha moción na que reclamábamos que o goberno que dirixe o Sr. Zapatero non recortara as transferencias do Estado que lles correspondían a os concellos, e entre eles o de Foz. Nin nesa ocasión, nin agora, o Sr. García Rivera deu a talla na defensa dos seus veciños”, pero si sempre di aos demais grupos políticos que o primeiro son os veciños, e el fai todo o contrario .
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
