NOTA DE PRENSA:
O presidente da Xunta salienta os bos resultados desta campaña do bonito que está a resultar “especialmente intensa” polo número de capturas e de facturación
FEIJÓO RATIFICA O APOIO DO GOBERNO GALEGO Á PESCADA DO BONITO, QUE TEN CONVERTIDO BURELA NO SEGUNDO PORTO DE ESPAÑA EN VOLUME DE CAPTURAS
Resalta que o 70 por cento de todo o bonito que entra en Galicia entra polo porto de Burela, e que neste ano se teñen rexistrado un 60 por cento máis de capturas que no ano 2009 e un 45 por cento máis de vendas
Asegura que o bonito que se pesca en Galicia e que sae a través de Burela leva unha etiqueta verde que acredita a calidade do bonito do Norte, a legalidade da súa captura, o barco onde é collido e, tamén, a zona onde é pescado
Sostén que, como apoio loxístico, hai dous barcos que están permanente traballando nas zonas onde se pesca esta especie, un deles facendo de apoio loxístico, de medicina e telemedicina e como punto de evacuación mediante os helicópteros
Destaca que a pescada do bonito é clave na Mariña lucense porque favorece a sostibilidade ambiental, económica e social da zona
Burela (Lugo), 1 de setembro de 2010.- O presidente da Xunta, Alberto Núñez Feijóo, expresou hoxe o apoio “loxístico e promocional” que o Goberno galego presta á pescada do bonito, que ten convertido Burela no segundo porto de España en número de capturas. O mandatario galego visitou esta mañá a lonxa de armadores de Burela, onde percorreu as áreas de venda de bonito e do Gran Sol, o almacén de expedición de peixe e embarcou nun barco de pesca.
O presidente da Xunta precisou que dous barcos que están permanente traballando na zona onde se pesca esta especie serven de apoio loxístico ás tripulacións que participan na pescada do bonito; un deles, facendo de apoio loxístico, de medicina e telemedicina e, por suposto, servindo como punto de evacuación mediante os helicópteros, dixo.
No que se refire ao apoio promocional, explicou que o bonito que se pesca en Galicia e que sae a través de Burela leva unha etiqueta verde que acredita a calidade do bonito do Norte, a legalidade da súa captura, o barco onde é collido e tamén a zona onde é pescado.
Sostibilidade ambiental, económica e social
O mandatario galego sinalou que a pescada do bonito é “clave” na Mariña lucense por unha serie de particularidades que están baseadas sempre nun principio básico que é a sostibilidade ambiental, económica e social. A sostibilidade ambiental, proseguiu, é “unha garantía e un indicador específico da campaña do bonito porque o propio bonito establece a súa propia veda natural”. Neste contexto, explicou que a propia arte de pesca do curricán obriga a que non se poida coller outra especie que non sexa o bonito.
Sobre a sostibilidade económica, expuxo que son moitas familias as que viven da pescada e que este peixe rexistra un alto volume de facturación. Feijóo resaltou que Burela é o segundo porto de España en importancia de capturas deste tipo de peixe posto que o 70 por cento de todo o bonito que entra en Galicia entra polo porto de Burela.
Así mesmo, destacou que estamos nunha temporada de bonito “especialmente intensa” tanto pola súa contía como pola súa facturación. “Estamos rexistrando un 60 por cento máis de capturas que no ano 2009 e cun 45 por cento máis de vendas que o pasado ano. Polo tanto, estamos nun momento importante”, subliñou.
No tocante á sostibilidade social, argumentou que se está a manter poboación dentro da costa que converte a Burela nun dos concellos onde a poboación “non soamente se mantén, senón que se incrementa”. Ademais, agregou, é unha poboación que integra culturas como consecuencia das tripulacións dos barcos que residen na zona.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
