NOTA DE PRENSA:
IGUALDADE SUBVENCIONA CON MÁIS DE 42.000 EUROS O MANTEMENTO DAS ASOCIACIÓNS E FEDERACIÓNS DE MULLERES DA PROVINCIA DE LUGO
Unha vintena de entidades da provincia benefícianse destas achegas, que están destinadas a sufragar os gastos de funcionamento das asociacións
Lugo, 1 de setembro de 2010.- A Secretaría Xeral da Igualdade distribuirá 42.606 euros nunha liña de axudas económicas destinadas a fomentar o asociacionismo e a participación das mulleres. O obxectivo deste programa é promover a igualdade e a participación e presenza das mulleres na vida política, económica, cultural e social.
A delegada territorial da Xunta en Lugo, Raquel Arias, valorou a importancia desta liña de subvencións, que sufraga “os gastos correntes das asociacións, como os de aluguer da sede ou material de oficina”. Arias destacou que “estas axudas permiten ás asociacións desenvolver o seu labor sen ter que empeñar os seus axustados orzamentos en gastos de funcionamento”.
A delegada subliñou tamén o papel que xogan as asociacións de mulleres, e en particular as do medio rural, “onde actúan como verdadeiros motores de dinamización, principalmente no eido social e da cultura”.
As achegas beneficiarán a máis de vinte entidades luguesas, que poderán afrontar, a través das mesmas, os custos que orixine o seu funcionamento durante o ano 2010.
Deste xeito, Igualdade subvenciona ata un 90% do orzamento presentado por aquelas asociacións de mulleres sen ánimo de lucro que estean domiciliadas na comunidade autónoma de Galicia e inscritas no Rexistro Único de Entidades Prestadoras de Servizos Sociais, nas áreas de actuación da muller ou de igualdade.
As entidades beneficiarias na provincia de Lugo recibirán axudas de ata 6.000 euros, contribuíndo así ao funcionamento e mantemento destas asociacións que, dende diferentes ámbitos e escenarios, traballan pola promoción da igualdade.
A subvención do funcionamento ten como obxectivo facilitar o desenvolvemento das actividades propias e habituais da entidade, incluíndo gastos de subministros, material funxible de oficina e ofimático, correo e outros análogos. Tamén serán subvencionables os gastos de persoal que desenvolva unicamente funcións administrativas.
Todos os gastos serán correntes e polo tanto, as entidades beneficiarias non poderán imputar gastos de inversión para a xustificación da axuda concedida. En ningún caso serán subvencionables os gastos correntes derivados do desenvolvemento de actividades ou programas da entidade solicitante.
Trátase ademais de entidades que centran o seu labor na defensa do papel da muller no medio rural, entre as que se contan agrupacións de mulleres rurais, de viúvas, amas de casa ou asociacións de carácter sociocultural e artístico
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
